Kriza "shtrengon" tregtine me jashte

Nga te dhenat e INSTAT rezulton se gjate muajit shtator, niveli i eksporteve arriti ne 9.5 miliarde leke, duke shenuar nje renie prej 10.9%, kundrejt te njejtes periudhe te vitit te kaluar. Nderkohe qe importet vleresohen ne mbi 40.6 miliarde leke ose 9.7% me te larta se shtatori i vitit 2008. Te dhenat e fundit te Institutit te Statistikave, tregojne per nje thellim te metejshem te deficitit tregtar, tregues qe ne shtator te ketij viti ka arritur vleren alarmante te 31.1 miliarde lekeve. Krahasuar me te njejten periudhe te vitit te kaluar, deficiti eshte thelluar me 18.1%. Shkembimet tregtare me vendet e Bashkimit Evropian jane 68 per qind. Partneret kryesore tregtare vazhdojne te jene Italia dhe Greqia. Me Italine eksporti eshte 63.3 per qind dhe importi 20.7 per qind, ndersa me Greqine, eksporti eshte 6.2 per qind dhe importi 16.7 per qind. Disa nga partneret tane tregtare me te cilet eksporti dhe importi eshte rritur, jane per eksportin; Austri, Gjermani, Greqi, Itali, Turqi, etj dhe per importin; Austri, Greqi, Itali, Rusi, Kroaci, Maqedoni, etj. Krahasimi me muajin paraardhes per disa nga grup mallrat tregon qe eksporti i grupit "Lekure dhe artikujt prej tyre" u rrit 5 here, "Prodhime druri dhe letre" u rrit 91.9 per qind, "Materiale ndertimi dhe metale" u rrit 55 per qind, etj. Ndersa eksporti i grupit "Makineri, pajisje dhe pjese kembimi" u ul 5.3 per qind. importi i grupit "Prodhime druri dhe letre" u rrit 50.8 per qind, "Makineri, pajisje dhe pjese kembimi" u rrit 42.9 per qind, "Tekstile dhe kepuce" u rrit 39.1, etj. Ndersa importi i krahasuar me gusht 2009, importi i mallrave me akcize ka pasur ulje prej 20.8 per qind. Peshen me te madhe te ketyre mallrave te importuara e zene nenproduktet e naftes.