Kriza, tregtaret frenojne importet

Kriza financiare ne tregjet financiare nderkombetare ka nisur te jape efekte te terthorta ne tregun vendas. Drejtori i Pergjithshem i Doganave, Perparim Dervishi ka pohuar dje per mediat se, tregtaret jane me pak te prirur, per te blere mallra jashte vendit ne keto kohe. Per shkak te rritjes se cmimeve te disa mallrave dhe uljes per disa te tjere, tregtaret jane frenuar te blejne mallra ne pritje te stabilizimit te tregjeve, tha Dervishi. Ai komentoi se, renia ekonomike ne vendet me te cilat vendi yne ka marredhenie tregtare, kane probleme me prodhimin dhe me cmimet. Rast i tille mbetet importi i karburanteve. Dervishi tha se, gjate periudhes se veres grosistet e karburanteve krijuan rezerva te medha per shkak se, cmimi po rritej me shpejtesi, nderkohe qe aktualisht i kane frenuar importet per shkak se, cmimet e ketij produkti ne tregun nderkombetar kane shenuar ulje. Kjo po reflektohet edhe ne cmimet me pakice te karburanteve, te cilat vijojne te mos reflektojne ndryshimet ne tregjet nderkombetare, ku cmimet kane rene me shume se 50 per qind qe nga muaji qershor i ketij viti. Nderkohe qe deputeti socialist, Arben Malaj thote se, kriza financiare nderkombetare nuk do te preke sistemin bankar shqiptar por tregtia me jashte dhe me kete rast deficiti tregtar, do te perkeqesohen. Por nga ana tjeter pritet te kete renie te prurjeve te emigranteve dhe investimeve te huaja direkt. Por, Banka e Shqiperise pasi ka shqyrtuar zhvillimet me te fundit ne ekonomine vendase, para dy ditesh ka dale me konkluzionin se kjo ekonomi ende nuk eshte goditur as ne menyre te terthorte nga zhvillimet e fundit ne tregjet nderkombetare. Ekonomia vendase, sipas Bankes se Shqiperise vijon te jete ende e imunizuar nga keto zhvillime. Situata aktuale reflektohet edhe ne ecurine e parashikuar te inflacionit, i cili ne 12 muajt e ardhshem do te luhatet rreth objektivit 3 per qind te Bankes se Shqiperise.

B.H.