Krkic kritikon Guardiolan

Sulmuesi Bojan Krkic u largua nga Barcelona duke kritikuar trajnerin Pep Guardiola, të cilin e akuzon se e trajtoi keq dhe nuk kishte biseduar me të prej fitores në finalen e Ligës së Kampionëve në maj. Barcelona e shiti Krkicin në Romë për 12 milionë euro të premten.

“Për një tifoz, Guardiola është trajneri më i mirë në botë, por personalisht jam lënduar me disa gjëra që kanë ndodhur dhe nuk mund të them njësoj. Guardiola nuk ishte i drejtë me mua në raste të ndryshme dhe për këtë arsye kam vendosur të largohem”, tha Krkic gjatë një konference për shtyp.