Kroaci, sekuestrohet 88 kilogramë heroinë

Policia kroate në vendkalimin kufitar Bajakovo ka sekuestruar 88.6 kilogramë heroinë. Droga është gjetur në bagazhin e automjetit furgon me targa holandeze e drejtuar nga një shtetas holandez me origjinë turke.

Krahas heroinës, në automjetin janë gjetur edhe mijëra kuti cigare Marlboro dhe 180 kuti Dunhil.

Siç transmeton agjencia Hina, bëhet fjalë për sasinë më të madhe deri tani të drogës që është zbuluar në këtë vendkalim kufitar, midis Kroacisë dhe Serbisë.