Kroacia-Shqiperi, shkembim eksperience per integrimin

Kryeministri Berisha priti sot ne takim kryenegociatorin e Kroacise per anetaresimin ne BE, Drobnjak. Ai i shprehu angazhimin qeverise shqiptare per te forcuar me tej marredheniet e shkelqyera midis dy vendeve dhe bashkepunimin e ngushte ne shume fusha, vecanerisht per te vazhduar traditen e mire per shkembimin e eksperiences reciproke, per sa i perket objektivit tjeter madhor, integrimit ne BE, tashme qe procesi i anetaresimit ne NATO po mbyllet me sukses. Drobnjak e uroi Berishen per permbylljen e procesit te anetaresimit te Shqiperise ne NATO, si dhe per hyrjen ne fuqi te MSA me BE, si nje hap tjeter shume i rendesishem ne rrugen drejt integrimit. Kryenegociatori i Kroacise i shprehu kryeministrit, gatishmerine e qeverise kroate per te vazhduar bashkepunimin ne te gjitha fushat, vecanerisht per shkembimin e eksperiencave te rendesishme, sidomos te procesit te integrimit ne BE. "Qenia me te drejta te plota ne NATO, por edhe nje vend qe ka ligjerisht ne fuqi MSA-ne me BE, eshte padyshim nje premise shume here me e favorshme per cdo vend dhe ne kete rast per Shqiperine, per te bere progres te shpejte ne hapat e metejshem drejt integrimit te plote ne BE", tha ai.