Krye-Regjistruesi: Amnistia, shpejtoni deri ne 31 gusht Eglantina Nasi

Fundi i gushtit nuk eshte larg, prandaj qytetaret e interesuar duhet qe te shpejtojne per te rivleresuar banesat e tyre me cmimet aktuale te tregut, kundrejt takses modeste vetem 1%. Kete thirrje atyre ua ben vete drejtori i Pergjithshem i Zyres se Regjistrimit te Pasurive te Patundshme, Arben Qirjako, i cili gjate nje prononcimi per mediat, u rikujton te interesuarve se afati per perfitimin nga ky proces, skadon me 31 gusht. "Duhet t'u bej thirrje atyre qe ta shfrytezojne momentin e kesaj amnistie dhe te mos kujtohen ne momentet e fundit, sic ka ndodhur dhe here te tjera. Kujtojme se ne muajin mars te ketij viti, vetem ne dy javet e fundit, ne zyren e vendore te Tiranes, aplikimet arriten ne 700 mije per rivleresim te banesave", ka shpjeguar Qirjako. Duke shtuar me tej, se ky proces lidhet me taksen e kalimit te pronesise dhe rivleresimit, per nje pasuri qytetari duhet ta dije sa vlen sot. "Ne rastin e kalimit te pronesise, qytetari duhet te paguaje 10% te diferences midis cmimit qe e ka blere dhe cmimit qe po e shet. Por ne rast se kjo banese rivleresohet, kur ajo te ndryshoje pronesi, kjo takse do te jete zero", permend Kryeregjistruesi i vendit, perfitimin kryesor qe qytetaret e interesuar do te kene nga procesi ne fjale. Kujtojme ketu, se pjese e procesit te rivleresimit, pra te amnistise fiskale, jane kryesisht banesat e ndertuara para viteve '90, te cilat qytetaret i kane blere me cmime modeste nga 30-50 mije leke te reja. E ne momentin qe e shesin ate, diferenca e blerjes se baneses me ate te shitjes, eshte shume e larte e kesisoj, edhe tatimi qe duhet t'i paguhet shtetit prej 10% mbi kete diference, del po ashtu i larte. Por nese ata i nenshtrohen amnistise fiskale duke e rivleresuar banesen, kundrejt takses prej vetem 1% dhe e regjistrojne pasurine me cmimin e tregut, ia rritin ne kete menyre vleren dhe perfitojne zero takse gjate transaksioneve te shitjes. Nderkaq, qeveria vendosi ne muajin mars ta shtyje deri ne 31 gusht 2012, afatin per rivleresimin e banesave, duke u dhene keshtu mundesi qytetareve, ndryshe nga bizneset, te cileve u perfundoi qe ne daten 31 mars, procesi i amnistise fiskale per detyrimet e papaguara nder vite. Ministria e Financave argumentoi ne ate periudhe se shtyrja e afatit te ketij procesi nga data 31 mars deri ne 31 gusht, erdhi si kerkese e vete qytetareve, kryesisht e emigranteve, te cilet ndersa qendrojne ne vend per pushimet e sezonit veror, mund te kryejne edhe procesin e rivleresimit te banesave te tyre.