Kryebashkiaku Basha takon investitore gjermane

Investitorët gjermanë kanë shprehur interes të veçantë për të investuar në Tiranë dhe për t’u bërë pjesë e projekteve të zhvillimit të Tiranës. Kjo iu konfirmua zotit Basha nga Presidenti i Shoqatës Ekonomike Gjermano-Shqiptare Hans Juergen Mueller dhe Anette Kasten, drejtore e Filialit të Dhomës Gjermane të Industrisë dhe Tregtisë, në një takim të zhvilluar në Bashkinë e Tiranës. Kryebashkiaku Basha mirëpriti propozimin që në muajin qershor në Tiranë të zhvillohet konferenca ekonomike Shqipëri-Gjermani. Në këtë konferencë e cila në qendër do të këtë mundësit që ofron Shqipëria në përgjithësi dhe Tirana në veçanti për investime, do të marrin pjesë kompani ndër më prestigjozet që operojnë në Gjermani.