"Kryebashkiaku, abuzim me shpenzimet administrative"

Deputetet demokrate, anetare te komisionit hetimor kunder Edi Rames, nxoren dje shifrat e para te abuzimeve, qe sipas tyre ka bere kreu i opozites. Demokrati Aldo Bumci, tha dje se shpenzimet administrative per 1 mije banore te bashkise Tirane, jane 35 % me te larta, se sa bashkia Shkoder, 33 % se sa bashkia Vlore, 23 % se sa bashkia Korce, 40 % me te larta se sa bashkia Pogradec. "Keto fonde jane taksat e qytetareve te Tiranes, te cilat kryetari i bashkise duhet t'ia kthente qytetit me investime dhe jo t'i shperdoronte per shpenzime administrative", akuzoi Bumci. Sipas tij, kreu i bashkise Rama, eshte pergjegjesi i drejtperdrejte per kete situate. Bumci u shpreh se 11 njesite bashkiake, kane te punesuar mbi 400 punonjes dhe rreth 300 keshilltar. Keto njesi bashkiake sipas tij, me nje administrate prej qindra punonjesish, qe kushton 230 milione leke, jane marre deri dje vetem me shperndarjen e 150 milione lekeve, te ndihmes ekonomike dhe te paaftesise ne nje vit fiskal. "A eshte ky nje administrim modern dhe eficent i qytetit, ku struktura te tera me qindra njerez, mbahen te papune? Ky eshte modeli Rama i qeverisjes", akuzoi Bumci.