Kryeministri Berisha jep dorëheqjen nga të gjitha funksionet në PD

UPDATE- Kryeministri Sali Berisha në një deklaratë për mediat, pas përfundimit të numërimit të votave të zgjedhjeve parlamentare të 23 qershorit njoftoi dorëheqjen nga të gjitha funksionet në Partinë Demokratike. Kreu i qeverisë njohu rezultatin e zgjedhjeve të 23 qershorit si dhe uroi fituesit e kësaj gare. “Përgjegjësia e humbjes në zgjedhjet e 23 qershorit bie vetëm mbi mua. Ndaj jap dorëheqjen nga të gjitha funksionet e Partisë Demokratike. Do të jem njëri prej jush, një anëtar i thjeshtë i Partisë Demokratike”, u shpreh Berisha.