Kryeministri Berisha takim me Presidentin francez, Sarkozi

Kryeministri Berisha gjate vizites se tij ne France takoi edhe Presidentin francez, Nikolas Sarkozi. I shoqeruar nga bashkeshortja e tij. Liri Berisha, kreu i qeverise u takua me Sarkozi dhe bashkeshorten e tij, Karla Bruni, gjate darkes se shtruar nga Presidenti francez per nder te kryetareve te delegacioneve pjesemarres ne samitin e Mesdheut dhe po keshtu gjate drekes se zhvilluar me rastin e dites kombetare te Frances. Gjate ketyre evenimenteve, Berisha zhvilloi takime te shumta edhe me perfaqesues te larte te vendeve pjesemarrese ne samitin e Mesdheut te zhvilluar ne France. Keshtu, Kryeministri Berisha pati takime te vecanta dhe me shume personalitete te tjera te larta, si Kancelarja gjermane, Angela Merkel, Kryeministrin e Britanise se Madhe, Gordon Broun, me Presidentin e Egjiptit, Mohammed Hosni Mubarak, me Kryeministrin e Italise, Silvio Berluskoni, me Presidentin e Komisionit Evropian, Hose Manuel Barroso, me Kryeministrin e Spanjes, José Luis Rodríguez Zapatero, me Sekretarin e Pergjithshem te Kombeve te Bashkuara, Ban Ki Moon, Kryeministrin e Greqise, Kostas Karamanlis dhe te tjere perfaqesues te larte. Biseda me keto personalitete u perqendrua ne marrjen e fteses nga Shqiperia per anetaresim ne NATO, si dhe hapat qe po ndermerr Shqiperia per t'u bere pjese e Bashkimit Evropian. Te pranishmit i shprehen Kryeministrit Berisha impresionet e tyre pozitive per sukseset e zhvillimit te Shqiperise ne shume fusha, si dhe angazhimin e qeverise shqiptare per te luftuar me zero tolerance korrupsionin dhe krimin. Po dje, Kryeministri Berisha ishte i pranishem ne tribunen presidenciale, ne paraden ushtarake me madheshtore ne historine e Frances, me rastin e festes kombetare te saj, e cila u zhvillua ne Champs Elysees, ne prani te dhjetera mijera spektatoreve dhe gazetareve nga e gjithe bota. Ne kete parade moren pjese kryetaret e shteteve dhe te qeverive, te cilet ishin te ftuar nga Presidenti Sarkozy ne samitin e Bashkimit Mesdhetar, te zhvilluar dje ne Paris.

Ne parade parakaluan forcat e ushtrise franceze dhe ajo u mbyll me forcat parashutiste, te cilat u ulen mbi Champs Elysees, duke shpalosur flamujt e Frances, BE-se dhe OKB-se.

Pas perfundimit te parades, te gjithe kryetaret e shteteve dhe qeverive, ishin te ftuar te Presidentit Sarkozy dhe zonjes se tij, Karla Bruni, ne pritjen dhe ne dreken e shtruar per nder te tyre, ne rezidencen Martigni.

Mesdheu

Kryeministri Berisha, dy dite me pare, ne samitin e Mesdheut, te zhvilluar ne Paris, e mbeshteti nismen per formimin e Bashkimit Mesdhetar, nje ide e hedhur kjo nga Presidenti francez, Nikolas Sarkozi.