Kryeministri Berisha uron homologun japonez

Kryeministri Berisha i dërgoi dje një mesazh urimi Kryeministrit të ri të Japonisë për fitoren në zgjedhjet e fundit. "Më lejoni, t‘Ju uroj, gjithashtu, edhe për fitoren e thellë të Partisë Demokratike që ju drejtoni, në zgjedhjet e përgjithshme parlamentare të muajit gushtit", thuhet në mesazhin e Kryeministrit Berisha, drejtuar kreut të ri të qeverisë japoneze, Yukio Hatoyama, duke e ftuar atë për një vizitë në Shqipëri.