Kryeministri Fatos Nano me ftesë të Presidentit të Austrisë, Tomas Klestil, është nisur për në kryeqytetin austriak Vjenë. Kryeministri Nano do të jetë i pranishëm nesër në mesditë,

Kryeministri Fatos Nano me ftesë të Presidentit të Austrisë, Tomas Klestil, është nisur për në kryeqytetin austriak Vjenë.

Kryeministri Nano do të jetë i pranishëm nesër në mesditë, si i ftuar nderi i Presidentit austriak, në Koncertin e Vitit të Ri, të organizuar nga Orkestra Filarmonike e Vjenës, i cili zhvillohet në ditën e parë të çdo viti.

Koncerti i parë i Orkestrës Filarmonike të Vjenës është shfaqur më 28 Mars të vitit 1842. Shfaqja më e njohur me jehonë botërore e vitit është Koncerti i Vitit të Ri, i cili zhvillohet, sipas traditës në orën 12.00 të datës 1 janar të çdo viti në Operan Shtetërore të Vjenës. Të ftuar nderi në këtë eveniment botëror janë personalitete të njohura të politikës, të botës së artit, jetës shoqërore etj.