Kryeministri Rama: Autobusi turistik tregon historinë dhe gjallërinë e Tiranës
Kryeministri Edi Rama ka ndarë këtë mëngjes një postim në rrjetet sociale, ku ka publikuar pamje të një autobusi turistik që qarkullon nëpër rrugët e Tiranës.
Në postimin e tij në Facebook, Rama shpreh se ky autobus u ofron vizitorëve mundësinë të njihen nga afër me historinë, ngjyrat dhe gjallërinë e kryeqytetit.
“Mirëmëngjes dhe me këtë autobus turistik që shëtit vizitorët nëpër rrugët plot jetë të Tiranës, duke u treguar historinë, ngjyrat dhe gjallërinë e qytetit tonë, ju uroj një fundjavë të mbarë”, shkruan Rama në postimin e tij.
/rtsh.al/