Kryeministri: Vizat, liberalizimi brenda 6 muajsh

Vizat per shqiptaret do te liberalizohen brenda vitit te pare te mandatit. Keshtu risiguroi dje kryeministri Sali Berisha, gjate mbledhjes se Komitetit Nderministror per Liberalizimin e Vizave, ku u shqyrtua permbushja e detyrimeve te mbetura nga udherrefyesi per liberalizimin e vizave. Sipas tij, ceshtja kryesore ne axhenden e qeverise qe ai drejton por edhe te Parlamentit, eshte plotesimi i kerkesave te udherrefyesit per heqjen e vizave. "Ne rrafshin kombetar, nuk ka asgje tjeter qe prek direkt per mire, me shume qytetaret shqiptare, sesa heqja e vizave. Progresi eshte i madh. Eshte perfunduar teresisht sistemi i kontrollit te integruar te kufijve, por edhe sistemi i te dhenave per krimin e kriminalitetin ne te gjitha qarqet e vendit dhe jane tashme te lidhur me qendren", informoi kreu i qeverise. Sipas tij jane ne plotesim e siper edhe nje seri kushtesh qe kane te bejne me plotesimin e kerkesave te udherrefyesit dhe nje sere ligjesh e vendimesh qe do te miratohen ne 2-3 javet ne vijim, qe do t'i japin pergjigjen perfundimtare ketij procesi. "Gjate javeve qe vijne do te kete dy inspektime nga Komisioni Evropian lidhur me permbushjen e detyrimeve tona. Ne duhet qe ta avancojme cdo detyrim qe rrjedh. Ne kete aspekt, i tere kuadri ligjor i domosdoshem, cfare ka mbetur pa kompletuar, duhet te kompletohet brenda muajit shkurt", vijoi Berisha. Sipas kryeministrit, procesi i leshimit te pasaportave biometrike, nje nga kushtet baze per liberalizimin e vizave po ecen me shpejtesi dhe Shqiperia po arrin ne nivelet me te larta te posedimit te ketyre pasaportave, te cilat jane dhe te standardeve me te mira.