"Skafet", me kete mazhorance nuk hiqen

Per sa kohe qe kjo mazhorance do te jete ne pushtet, skafet nuk do te lejohen te qarkullojne ne ujerat tona, ne menyre qe industria e mafies te mos zhvillohet ne keto ujera. Kryeministri Sali Berisha, beri te qarte dje se moratoriumi per skafet do te qendroje ne fuqi per sa kohe qe mazhoranca e tij do te jete ne pushtet. "Moratoriumi per skafet, hyn ne fuqi se shpejti, deshmi kjo e nje vullneti te kesaj mazhorance, qe industria e mafies, pasi skafet jane industri e mafies, te mos mund te zhvillohet me ne brigjet tona. Ketu dua te theksoj se heqja e ketij Moratoriumi eshte e pashprese per sa kohe kjo mazhorance te jete ne pushtet", tha prere kreu i qeverise. Sipas tij, bllokimi i tyre, ka shenuar nje progres thelbesor ne kontrollin e kufijve. "Nuk do te kete skafe ne ujerat tona. Ky eshte qendrim politik. Ne e shpallim para cdo fushate dhe shqiptaret le ta vleresojne. Kjo nuk lidhet me heqjen apo mos heqjen e vizave, kjo eshte nje politike konstante e qeverise", theksoi kryeministri. Moratoriumi hyn ne fuqi se shpejti, pas zgjatjes qe i beri mazhoranca te qendrimit te tij ne fuqi.