Kryeministri, nga Brukseli tha se komisioneret s'caktohen me greve urie

Berisha: Kodi, negocioj vetem me PS, e pamundur qe te veproj ne dem te saj

Qe nga Brukseli, Kryeministri Berisha perserit dhe njehere se do te negocionte vetem me socialistet per Kodin Zgjedhor. Gjate nje interviste te dhene dje, kreu i ekzekutivit shqiptar ka prere te gjitha shpresat per momentin se mund te negocioje per Kodin, me perfaqesuesit e partive te vogla, qe jane futur ne greve urie, sepse ai per keto amendime ishte konsultuar me Partine Socialiste, qe eshte partia me e madhe e opozites. Ai ka nenvizuar se te gjitha partite kane pasur cdo rast per te qene dhe kane qene ne komision, ligji serish do te shkoje ne Parlament. "Nuk jam une ai qe zgjedh opoziten, ate e zgjedh populli, ashtu sic zgjedh edhe qeverine. Dhe populli shqiptar ka percaktuar opozite kryesore Partine Socialiste. Eshte jashte cdo lloj mundesie qe une te veproj nepermjet faktoreve te tjere opozitare, ne dem te partise kryesore opozitare", deklaroi kryeministri Berisha, duke e quajtur perfshirjen e tij ne negociata te pamundur. Nga ana tjeter kreu i mazhorances theksoi se ai respektonte zgjedhjen e gjithsecilit, por nepermjet greves se urise, nuk mund te percaktoheshin anetaret e Kodit Zgjedhor. "Duke shprehur respektin per vendimin e gjithsecilit, me duhet te them se anetaret e Komisionit Zgjedhor ne qofte se caktohen ne kete menyre, nepermjet greves se urise, mendoj se nuk do te ishte e mundur", tha Berisha. F.M