Kryeparlamentari turk viziton Kosovën

Kryetari i Kuvendit të Madh të Turqisë, Koksal Toptan, do të mbërrijë sot për një vizitë zyrtare në Kosovë. Gjatë vizitës së tij në Kosovë, Toptan do të zhvillojë takime me zyrtarët më të lartë të qeverisë së Kosovës, si me presidentin Fatmir Sejdiu, kryeministrin Hashim Thaçi, etj.
Toptan do të marrë pjesë nesër në seancën solemne të Kuvendit të Kosovës. I shoqëruar nga biznesmenë turq, ai do të vizitoj edhe disa ndërmarrje të Kosovës dhe do të marrë pjesë në shënimin e njëvjetorit të Odës Ekonomike Kosovaro-Turke.