Kryetarja e Kuvendit Jozefina Topalli pret ambasadorin e Rumanisë në Shqipëri, Gheorghe Micu në përfundim të misionit diplomatik.

  Kryetarja e Kuvendit  Jozefina Topalli priti sot ambasadorin e Rumanisë në Shqipëri, Georghe Micu me rastin e përfundimit me rastin e të misionit të tij diplomatik në Tiranë Ambasadori Micu  shprehu vlerësimin dhe kënaqësinë për bashkëpunimin  e gjithanshëm mes institucioneve të të dy vendeve dhe informoi se Kryetari i Senatit rumun  do të vizitojë së afërmi Tiranën. Senati dhe Dhoma e deputetëve shprehin edhe një herë vlerësimin dhe besimin në thellimin e reformave të Shqipërisë dhe shprehin mbështetjen e tyre për integrimin e Shqipërisë në institucionet europiane u shpreh ambasadori Micu.   Kryetarja e Kuvendit falenderoi ambasadorin Micu për ndihmesën dhe mbështetjen e gjerë, që ai ka dhënë gjatë 50 viteve të jetës dhe punës së tij diplomatike ne vendin tonë. Kontributi juaj ka qenë shumë i rëndësishëm në forcimin e miqësisë mes dy vendeve, bashkëpunimit dhe shkëmbimit të ndërsjelltë kulturor e arsimor  mes Shqipërisë dhe Rumanisë - u shpreh ndër të tjera Kryetarja e Kuvendit. Në këtë takim  ambasadori rumun dorëzoi dhe letrën e falenderimit të  Kryetarit të Senatit Mircea Geoana dhe të Kryetares  të Dhomës së deputetëve  Roberta Alma Anastase, drejtuar Kryetares së Kuvendit në përgjigje të urimeve,  që zonja Topalli u  ka drejtuar atyre, për  zgjedhjen në këto poste të larta drejtuese.