Kualifikohet edhe Manchesteri

Pas Portos dhe Malagas, skuadra e tretë që e ka siguruar kualifikimin në të tetën e finales së Ligës së Kampionëve është Manchester United. ‘Djajtë e Kuq’ fituan ndaj Bragas 3:1, duke e rikthyer rezultatin. Kampioni evropian Chelsea fitoi falë golit të shënuar në minutat shtesë ndaj Shakhtar Donetskut në formë, kurse Barcelona u dorëzua përballë Celticut. Bayerni e dërrmoi Lillen, njëjtë si Juventusi, Nordsjaellandin.

Manchester United është kualifikuar në të tetën e finales së Ligës së Kampionëve. ‘Djajtë e Kuq’ iu bashkuan Portos dhe Malagas, për ta bërë një vend në mesin e 16 skuadrave më të mira evropiane.

Ekipi i Sir Alex Fergusonit fitoi në duel me Bragan, në një ndeshje ku ndër të tjera ndodhi diçka e pazakontë, duke u ndalur rryma.

Kjo si duket i ndihmoi ekipit anglez, i cili disavantazhin e riktheu në avantazh dhe e regjistroi fitoren e katërt rresht.

Golat e vonshëm të Robin Van Persie, Wayne Rooney nga penalltia e Javier Hernandez ishin kreatorë të fitores së ekipit nga Old Traffordi, kurse më parë portugezët udhëhiqnin falë golit të Alan nga penalltia.

Ndërkohë, kampioni i Evropës, Chelsea ka festuar në çastet e fundit duke e mundur Shakhtar Donetskun me rezultat 3:2.

Skuadra mysafire ka treguar lojë më të mirë se anglezët, të cilët i kishte mposhtur në lojën e parë. Por, dy gabimet e portierit Pyatov i kanë kushtuar shtrenjtë ekipit ukrainas.

Së pari, portieri ukrainas ‘kiksoi’ duke e goditur Fernando Torresin, e më pas bëri dalje të pasigurt, me ç’rast Oscar shënoi nga largësia. Kurse, golin e tretë të vendësve e realizoi zëvendësuesi Moses në minutat shtesë.

Ndërkaq, udhëtuesit kanë shënuar dy gola me anë të mesfushorit Willian, kurse mbrojtësi Rat e ka qëlluar shtyllën ndërkohë. Kjo fitore ia shtoi gjasat për kualifikim ekipit nga Stamford Bridge.

Ndërkohë, Juventusi e dërrmoi ekipin norvegjez Nordsjaelland, duke e shijuar njëkohësisht fitoren e parë.

Marchisio, Vidal, Giovinco e Quagliarella ishin kreatorë të fitores së kampionit italian, i cili i shtoi gjasat për kualifikim.

Ndërkohë, humbje shokuese pësoi gjiganti katalunas Barcelona, që u dorëzua përballë Celticut, i cili iu festoi falë golave të Wanyama e Watt, kurse Messi shënoi në minutën e fundit të ndeshjes.

Bayern Munichu e shkatërroi Lillen, duke e mposhtur 6:1, ndërsa hap të madh drejt kualifikimit bëri edhe Valencia, që triumfoi përballë BATE-s.

Liga e Kampionëve

Rezultatet

Grupi E

Chelsea – Shakhtar 3:2

Juventus – Nordsjaelland 4:0

Tabela

1. Shakhtar 7 pikë

2. Chelsea 7

3. Juventus 6

4. Nordsjaelland 1

Grupi F

Bayern Munich – Lille 6:1

Valencia – BATE Borisov 4:2

Tabela

1. Bayern 9

2. Valencia 9

3. BATE 6

4. Lille 0

Grupi G

Benfica – Spartak Moscow 2:0

Celtic – Barcelona 2:1

Tabela

1. Barcelona 9

2. Celtic 7

3. Benfica 4

4. Spartak M. 3

Grupi H

Braga – Man Utd 1:3

Cluj – Galatasaray 1:3

Tabela

1. Man Utd 12

2. Galatasaray 4

3. Cluj 4

4. Braga 3