Kualifikueset Europa mban frymen
Shume debutime kundershtare te vjeter qe sfidojne njeri-tjetrin dhe perballje per tu fituar me cdo kusht pasi rezultatet negative do te perktheheshin si komprometim serioz per ambiciet dhe shanset qe skuadrat kane ne keto kualifikuese te Euro 2012. E gjithe Europa eshte perqendruar te ndeshjet e aktivitetit kontinental te cilat do te luhen sot dhe neser te shtunen zhvillohen dy takime.
GRUPI A
Sfida me interesante eshte padyshim ajo qe do luhet ne Olimpia stadium te Berlinit ku Gjermania do te luaje me Turqine ne nje sfide te vlefshme per Grupin A. Ky duel eshte edhe nje revansh per gjysmefinalen e Euro 2008 te fituar me rezultatin 3-2 nga gjermanet. Ndeshja vlen per primatin e grupit ndersa ajo qe kerkon te perfitoje eshte Belgjika. Pasi ka humbur me rezultat minimal dy sfidat e para me Gjermanine dhe Turqine skuadra e drejtuar nga Lekens synon te fitoje piket e para ne Kazakistan ndersa Berti Vogs do te udhetoje me Azerbajxhanin e tij ne Austri.
Grupi B
Ne kete grup ndeshja me e rendesishme eshte ajo ndermjet Republikes se Irlandes dhe Rusise me keta te fundit qe kerkojne te rikuperojne terrenin e humbur ndersa Sllovakia eshte spektatorja e interesuar nje hap fals i irlandezeve shoqeruar me nje fitoren e tyre ne Armeni do te bente qe te besuarit e Veis te kryesonin te vetem me pike te plota. Ne sfiden tjeter Maqedonia kerkon tri piket e para ne keto kualifikuese ne fushen e Andorres.
Grupi C
Serbia pergatit sfiden e se martes me Italine ne Marasi duke pritur me pare Estonine ne Beograd. Ne kete ndeshje do te debutoje trajneri Petrovic qe zevendesoi Antic. Ne Lubjane Sllovenia ka detyren qe te mos surprizohet nga Ishujt Faroe per te regjistruar suksesin e pare ne Euro 2012. Italine e pret nje sfide mjaft delikate ne Belfast me Irlanden e Veriut. Nje fitore do te ishte gjysma e punes per axurret e Prandelit.
GRUPI D
Franca nuk mund ti lejoje me vetes hapa false. Skuadra e Blank perballet me Rumanine skuader me te cilen eshte ndeshur edhe ne rrugen drejt Kupes se Botes 2010. Ndeshjet e fundit kane perfunduar ne barazim por bluve u nevojitet me patjeter nje fitore ne Paris per te mbajtur ritmin e Shqiperise qe do te synojne vazhdimesine pozitive kunder Bosnjes edhe pa trajnerin Josip Kuzhe. Transferta ne Luksemburg eshte ne dukje nje sfide e lehte per Bjellorusine.
GRUPI E
Me Suedine qe eshte pushim Holanda synon kryesimin e vetem te grupit ne Moldavi ku kerkon fitoren e trete. Tulipanet vijne ne kete ndeshje me shume mungesa ku spikasin Roben Van Persi e De Jong. Ne Budapest hirushja San Marino duhet te mase forcat me Hungarine.
GRUPI F
Sfide mes kryesuesve ndermjet Izraelit pa yllin Benajun dhe Kroacise te dyja kane nje fitore dhe nje barazim. Greqia pret Letonine per nje fitore qe do ta rikthente ne gare pas startit te dobet. Gjeorgjia pret Malten.
GRUPI G
Me Angline qe eshte pushim deri te marten Mali i Zi ka nje rast ideal qe te vazhdoje kryesimin me pike te plota ne ndeshjen ku pret Zvicren qe eshte ne kuoten zero pike. Nderkohe ne Kardif perballen dy debutues nga njeri krah Brajan Flyn trajneri i perkohshem i Uellsit dhe ne krahun tjeter Lotar Mateus seleksionuesi i ri i Bullgarise.
GRUPI H
Te gjithe duan te shohin se cfare do te beje Paulo Bento nje tjeter debutues ne stolin e Portugalise ne ndeshjen kunder Danimarkes. Per luzitanet kthehet Kristiano Ronaldo qe ka detyren ta udheheqe skuadren drejt fitores. Ne Laranke Qipro pret Norvegjine kryesuese ndersa Islanda eshte pushim.
GRUPI I
Spanja me nje ndeshje me pak kerkon kryesimin ne Salamanka furia e kuqe pret njeren prej dy kryesueseve Lituanine. Por per primatin me pare Skocia duhet te frenohet ne Republiken Ceke me vendasit qe kane patjeter nevoje per pike.