Kubë, ulet numri i të burgosurve politikë

Shteti totalitarist kubanez numëron sipas një raporti numrin më të ulët të burgosurve politikë që nga revolucioni i vitit 1959. Kuba numëron aktualisht 167 të burgosur politikë nga 201 që numëroheshin gjashtë muaj më parë duke shënuar kështu numrin më të ulët që prej Revolucionit të 1959-s. Lajmi u konfirmua ditën nga një grup disidentësh kubanez.
''Bëhet fjalë për numrin më të ulët të të burgosurve politikë që prej Revolucionit të 1959-s. Por kjo nuk do të thotë se situata e të drejtave të njeriut është përmirësuar sepse njëkohësisht ka një rritje të të ndaluarve arbitrarisht për një kohë të shkurtër, disa orë apo disa ditë'', deklaroi Elizardo Sanchez, zëdhënësi i Komisonit kubanez për të Drejtat e Njeriut. Në këtë raport gjashtëmujor, komisioni kubanez, një organizatë e paligjme, por që tolerohet nga pushteti, ka raportuar mesatarisht që prej fillimit të vitit 100 të ndaluar për një kohë të shkurtër duke e cilësuar këtë situatë si metamorfozë të dënimit në ishullin komunist. Disa kritikë të sistemit totalitarist e shohin këtë raport si një shenjë për dobësimin e sistemit komunist që funksionon në Kubë prej 41 vitesh.