Kuçi: Kur Serbia njeh doganat, njeh edhe kufijtë e Kosovës

Zv/kryeministri i Kosovës, Hajredin Kuçi duke komentuar deklaratën e kreut për Zgjerim të BE, Pierre Mirel se Serbia duhet të pranojë pikat doganore të Kosovës, theksoi se kur Serbia njeh doganat, njeh edhe kufijtë e Kosovës. Dy ditë pas shpalljes së pavarësisë, pikat doganore në veri të vendit janë djegur dhe që nga ajo kohë, serbët e veriut të dirigjuar nga Beogradi nuk lejojnë që ato të mbikëqyren nga doganat e Kosovës. Duke pasur parasysh këtë moskontroll,

askush nuk di se çfarë hyn dhe del nga ajo pjesë e vendit. Për ta parandaluar këtë, Komisioni Evropian i ka kërkuar Serbisë përmes drejtorit për Zgjerim të BE, Pierre Mirel që të pranoj pikat doganore të Kosovës. Kjo kërkesë është mirëpritur nga institucionet e Kosovës. Zëvendëskryeministri Hajredin Kuqi ka deklaruar se kur njihen doganat indirekt njihet edhe shteti i Kosovës. Në momentin që i njeh doganat, njeh kufijtë në kuptimin juridiko-formal dhe unë besoj që mbi bazën e asaj është një hap i dukshëm në njohjen reciproke në radhë të parë të tërësisë territoriale të njeri-tjetrit dhe besoj që me kohë edhe të vet shteteve sovrane, ka deklaruar Kuçi. Drejtori për Zgjerim i BE-së për Ballkanin Perëndimor, Pierre Mirel ka deklaruar në Beograd se Bashkimi Evropian pret nga Serbia që të zhvillojë marrëdhënie të mira fqinjësore me Kosovën