Kufijte, do te instalohen 26 kabina kontrolli

Ne kuader te permbushjes se detyrimeve te saj, per te perfituar regjim vizash te liberalizuar, qeveria po merr masa shtese per forcimin e kontrollit ne doganat shqiptare, ne te gjithe vendin. Keshtu dje qeveria miratoi projektin i cili i lejon Drejtorise se Pergjithshme te Doganave te kryeje, brenda dates 30 nentor 2009, proceduren e prokurimit per blerjen dhe instalimin e 26 kabinave te kontrollit ne te gjitha pikat kufitare shqiptare. Ne kuader te ketyre blerjeve qeveria ka vendosur nje fond limit prej 18 120 000 lekesh, i cili do te perballohet nga buxheti i drejtorise se doganave. "Rendesia e kryerjes se ketij investimi rritet ne situaten aktuale ku Republika e Shqiperise eshte ne fazen e permbushjeve te rekomandimeve te BE-se ne kuader te liberalizimit te vizave dhe kritereve te udherrefyesit", thuhet ne relacion.