"KE evidentoi efikasitetin tone antikorrupsion"

Kryeministri Berisha kerkoi dje nga ministrat, qe te merrnin te gjitha masat per te eliminuar korrupsionin, i cili gjendet ne disa sektore kyc te zhvillimit te vendit. Duke komentuar progres raportin e KE-se, Berisha deklaroi se ai thekson faktin se qeveria ka marre masa te vazhdueshme per eliminimin e tij, por sipas tij, lufta ndaj ketij fenomeni duhet te jete e pandashme. "Raporti fakton se ne Shqiperi ka nje vullnet politik per te luftuar korrupsionin. Por ne duhet te marrim masa te forta dhe te vazhdojme reformat. Cilido qe te jete cmimi i ketyre reformave, ne rast se ato parandalojne korrupsionin, ju garantoj se jane te dobishme", iu drejtua kryeministri ministrave ne salle. Sipas tij, nepermjet masave sa me efikase do te synohet te zmbrapset sa me shume presioni i korrupsionit ne tatime, ne dogana, ne polici dhe ne te gjitha institucionet e tjera. Berisha gjate fjales se tij, u ndal me gjate tek transparenca, per sa i perket prokurimeve elektronike. "Departamenti i kontrollit ka marre porosi te prere, qe te rikontrolloje cdo oferte te cmimeve te uleta, e cila hidhet poshte dhe cdo gje qe do te rezultoje pa baze solide ligjore, do t'i kaloje autoritetit te prokurorise. Ne kete menyre shmangen spekulimet dhe veprohet ne dobi te interesit publik", deklaroi Berisha. Sipas Berishes, ministrat nuk kane perfshirje ne procesin e prokurimeve, por per rastet e prokurimeve me cmimin me te ulet ata duhet t'i japin porosi te prera autoriteteve kontraktuese, qe te jene shume te vemendshem.