Kule: MASH tejkaloi kompetencat per diplomat
Kreu i Universitetit te Tiranes Dhori Kule, ka deklaruar se Ministria e Arsimit eshte pergjegjese per te gjithe amulline e krijuar ne Fakultetin e Historise dhe Filologjise, per shkak te diplomave te cunguara. Sipas rektorit Kule, Ministria e Arsimit ka tejkaluar kompetencat e saj ligjore, duke hartuar vete modelin e diplomes. Ndersa ka sqaruar se kjo e drejte u takon vetem senateve akademike. Nisur edhe nga peticioni qe studentet e Fakultetit te Gazetarise kane hartuar dy dite me pare per kete problem, Kule thote se shqetesimi i eshte percjelle edhe ministrise perkatese. Sipas kreut te UT, problemi duhet te korrigjohet dhe te riprodhohen serish diplomat e studenteve te te gjithe fakulteteve qe vjet, per here te pare perfunduan studimet e nivelit te pare sipas Bolonjes. Ky model diplome qe u eshte derguar fakulteteve per shperndarje, permban stemen e Republikes se Shqiperise, ate te MASH, universitetit, nderkohe qe mungon stema e fakultetit. Po ashtu, diploma tregon se cfare dege ka perfunduar studenti, por nuk specifikon titullin qe ai merr ne perfundim te ketyre studimeve. Modeli i ri i diplomes se studenteve qe kane perfunduar nivelin e pare te studimeve sipas sistemit te Bolonjes, eshte me probleme. Fakti eshte pohuar nga kreu i Universitetit te Tiranes Dhori Kule, i cili ben thirrje qe te zgjidhet ky kaos qe eshte krijuar.