Kule: Nuk do ta "zhveshim" Pangon

Rektori i Universitetit te Tiranes, Dhori Kule ka deklaruar se asnje student apo edhe pedagog nuk ka bere ndonje denoncim per pedagogun Ylli Pango. "Nuk kam bere asgje per kete. Per sa kohe mua nuk me ka mberritur ndonje denoncim apo ankese per cfaredolloj shkeljeje, nuk kam pse te ndermarr ndonje veprim", u shpreh rektori i Universitetit te Tiranes, Dhori Kule. Titullari i universitetit me te madh ne vend, i cili ka ne varesi edhe fakultetin ku Pango jepte mesim, duket se nuk do qe ta perlyeje kete ceshtje te trajtuar prej disa ditesh me universitetin. "Ne asnje vend te botes, skandale te tilla nuk e perziejne edhe universitetin. Le te merret politika me kete ceshtje", eshte shprehur Kule. Ndersa sipas tij, nese nje ngjarje e tille do te kishte ndodhur brenda auditoreve te universitetit, pjese e se ciles do te kishte qene ndonje studente, atehere qendrimi do te ndryshonte. Por, per sa kohe qe kjo nuk ka ndodhur, rektori i Universitetit te Tiranes eshte i mendimit qe te mos e rendoje me tej situaten, duke u perpjekur te jete sa me objektiv dhe larg zhurmes dhe kersherise, qe ka perfshire te gjithe vendin. Nje qendrim te tille indiferent, Kule e argumenton me faktin se ne adrese te tij, si titullar i Universitetit te Tiranes, nuk ka mberritur asnje ankese apo denoncim, per sjellje te pahijshme te pedagogut Ylli Pango. Por, duket se qendrimi i pjeses tjeter te stafit pedagogjik ka qene krejt i ndryshem nga qendrimi i rektorit Kule. Kryetari i Konferences se Rektoreve, Jorgaq Kacani eshte shprehur se nuk ka logjike, qe Pango te vazhdoje te jape mesim ne auditoret e universitetit. Sipas kryetarit te Konferences se Rektoreve, pas kesaj ngjarjeje rektori i Universitetit te Tiranes, por edhe dekani i Shkencave Sociale duhet te zbatojne ligjin e Arsimit te Larte, qe e zhvesh zotin Pango nga petku i pedagogut. "Nje pedagog i tille nuk mund te jete anetar i stafit pedagogjik. Cili do te ishte ai prind qe do te donte t'ia besonte femijet nje edukatori, te cilit i eshte shembur baza e moralit", eshte shprehur kryetari i Konferences se Rektoreve, Jorgaq Kacani, ne lidhje me ngjarjen e ndodhur pak dite me pare, mes ish-ministrit te Turizmit, Kultures, Rinise dhe Sporteve, dhe nje gazetareje te "Fiks fare".

Kacani

Kryetari i Konferences se Rektoreve ka mbajtur nje qendrim mjaft te prere ne lidhje me vazhdimesine ose jo, te Ylli Pangos si pedagog. "Ne ligjin e Arsimit te Larte ka nje Kod Etike, qe parashikon masa ndaj profesoreve pas ngjarjeve te tilla", tha kryerektori Jorgaq Kacani. Edhe pedagoget e tjere jane shprehur te tronditur pas kesaj ngjarjeje, duke u ndjere te rrezikuar nga modele te tilla, sidomos pedagoget qe jane vete prinder.

Rrokaj

Dekani i Fakultetit te Historise dhe Filologjise Shezai Rrokaj, ka deklaruar se videoja ka shokuar stafin akademik. Edhe Rrokaj, eshte i mendimit qe nje ceshtje e tille duhet zgjidhur ne perputhje te plote me kornizat ligjore. Ylli Pango ka mbajtur per disa vjet postin e dekanit ne Fakultetin e Shkencave Sociale, per t`u terhequr pas zgjedhjeve te 2005-es, kur fitoi mandatin si deputet i Partise Demokratike.