Kume: S'ka vullnet politik per reformen zgjedhore

Ish-kryetari i KQZ-se, Kristaq Kume deklaron se nisja nga puna per reformen zgjedhore do t'u krijonte mundesi te gjitha paleve qe te gjenin mekanizmat e duhur per mos perseritjen e problemeve ne zgjedhjet e ardhshme. Ne nje interviste per "ABC News", Kume deklaroi se kerkesa e Partise Demokratike per mbledhjen e tryezes per reformen eshte nje sinjal i mire. Por nga ana tjeter, ai theksoi se procesi i ndryshimit te ligjit elektoral do te kerkoje me shume kohe dhe opozita duhet te tregoje vullnetin e saj per kete proces. Kume deklaroi se prej kohesh ka munguar vullneti politik per te realizuar reformen zgjedhore. "Fakti qe politika shqiptare ka kerkuar qe sot te niset nga puna per reformen zgjedhore do te thote qe jane krijuar kushtet. Duhet te jene te gjithe interesuar qe te bejne nje proces sipas standardeve. Pres qe te behet nje gje ndryshe dhe shume me mire sesa eshte bere deri tani. Zgjidhja qe duhet te kerkohet nuk duhet te reflektoje interesa te castit", u shpreh dje Kume. Nga ana tjeter, ish-kryetari i KQZ-se ndalet edhe ne futjen e teknologjise dhe krijimin e mundesive per votimin elektronik, duke theksuar se ndryshimet ne Kod duhen pare edhe me zhvillimet e kohes dhe tendencen qe kane vendet e zhvilluara. Ish-kreu i KQZ-se ka vleresuar dhe faktin se ne keto ndryshime duhen marre edhe mendimet e institucioneve nderkombetare. Sipas tij, sugjerimet e OSBE/ODHIR, por edhe marrja e mendimit nga Komisioni i Venecias do te jene mjaft thelbesore per reformen. "Eshte rast i mire per te marre nje mendim nga Komisioni i Venecias, ne menyre qe te zbatohet ne zgjedhjet e radhes. Por ndryshimet ne Kodin Zgjedhor duhet qe te diskutohen edhe me faktore te tjere ne vend, si dhe duhet te zbatohet rekomandimet e OSBE/ODHIR", tha dje Kume. Ai ka theksuar se tryeza partiake duhet te marre mbeshtetjen e te gjithe kraheve politike per te pasur nje reforme te suksesshme.