Kupa e Anglisë, Çelsi dhe Aston Vila në gjysmëfinale

çelsi dhe Aston Vila do të përballen me njëra-tjetrën në gjysmëfinalen e Kupës së Anglisë. Blutë e Londrës arritën të eliminonin në takimin e djeshëm Stoke Sitin falë golave të Frank Lampard në minutën e 35-të dhe Xhon Terri në minutën e 67-të. Karlo Ançeloti luajti me skuadrën më të mirë të mundshme duke mos toleruar në këto kompeticione dhe pse si objektiv primar i skuadrës së tij është Champions League dhe Premier League. Ndërsa Aston Vila mundi në tranfertë Reading me rezultatin 4-2. Për t’u theksuar ka qenë fakti se pjesa e parë e ndeshjes përfundoi 2-0 për vendasit falë golave të Long (25’ dhe 42’). Në pjesën e dytë erdhi edhe kundërpërgjigja e Vilës e cila shënoi 4 gola me anë të Joung (47’) dhe norvegjezit Xhon Kerju, i cili sigloi një tripletë (51', 57', 90'). Kështu në gjysmëfinale çelsi do të ketë përballë Aston Vilën ndërsa gjysmëfinalja tjetër do të diskutohet mes Totenhamit dhe Portsmuthit.