Kushtetuesja, Thanza risjell sherrin
Perplasjet mes mazhorances dhe kreut te shtetit, rrezikojne vendimmarrjen ne Gjykaten Kushtetuese per kerkesen e socialisteve, per pezullim te ligjit te dosjeve. Perfaqesues te opozites ne Komisionin parlamentar te Ligjeve saktesojne se afati ligjor per marrjen ne shqyrtim dhe miratimin e dekretit te Topit, duhej te kishte kaluar tre dite me pare. Po sipas opozites, Kuvendi ka bllokuar dekretin e presidentit Topi per emerimin e Admir Thanzes, si anetar i Gjykates Kushtetuese, pas perfundimit te mandatit te kryetarit te kesaj gjykate, Gjergj Sauli. Per te argumentuar pretendimin e tyre, ata i referohen faqes zyrtare te Presidences, ku dekretimi i Admir Thanzes si anetar i Gjykates Kushtetuese eshte bere nga Presidenti Topi, qe prej dates 7 janar dhe ka mberritur ne Kuvend nje dite me pas. Per ta, ne baze te rregullores, Komisioni i Ligjeve duhet te ishte mbledhur dhe te kishte dhene vendimin e tij per dekretin, deri me 29 janar. Por burimet zyrtare prane kabinetit te kryeparlamentares si dhe anetareve te djathte te Komisionit te Ligjeve duke cituar Nenin 111 te ndryshuar te rregullores se Kuvendit, shprehen se dekreti eshte brenda afateve pasi eshte depozituar ne Kuvend diten e pare te punes se tij, pra me 19 janar. Madje ata shkoje edhe me tej, duke deklaruar se gjithcka eshte nje abuzim. "Lajmi i dhene sot ne nje media elektronike, lidhur me dekretin per emerimin e z.Admir Thanza ne Gjykaten Kushtetuese, ju bejme me dije se eshte krejtesisht dezinformues, i qellimte dhe abuziv. Saktesojme se dekreti ne fjale, me te ardhur, ka hyre ne procedure parlamentare dhe eshte ne kalendarin e punes se Komisionit te Ceshtjeve ligjore", reagon zyrtarisht Kuvendi nepermjet nje njoftimi per mediat. Pra i gjithe debati qendron ne faktin se dekreti i Presidentit ka qene ne rend te dites per te henen, ne Komisionin e Ligjeve, nderkohe qe sipas te majteve perfaqesuesit e Kuvendit e kane hequr, dhe kane vendosur diskutimin per KQZ. Pra thjesht e kane shtyre si seance. Por ceshtja eshte se ka nje problem lidhur me afatet, nese duhet te merret si date referimi 8 janari apo 19 janari. Pasi ne momentin kur eshte dorezuar dekreti i Presidentit, administrata ka qene ne pune. Sesioni fillon per deputetet ne javen e trete, por jo per administraten, pasi protokolli ka qene ne pune. Behet e ditur se Komisioni i Ligjeve do te mblidhet diten e hene.