Kushtetuta, Wisner anulon vizitën; shkak shëndeti

Prishtinë -Në cermoninë përkujtimore të Kushtetutës së Kosovës, nuk do të marrë pjesë ish i dërguari special amerikan për Kosovën, ambasadori Frank Wisner. Shkak është bërë gjendja shëndetësore jo e mirë e diplomatit. “Wisner, kishte pasur për qëllim të merrte pjesë në festimet e Ditës së Kushtetutës në Kosovë, mirëpo, për fat të keq, ai u sëmur dhe nuk ka mundësi të marrë pjesë. Ai shpreh keqardhjen e tij për këtë dhe i dërgon popullit të Kosovës urimet e tij më të mira"-thotë një njoftim i shpërndarë për mediat nga Ambasada amerikane në Prishtinë.