Kuvend, tre grupe drejt shkrirjes
Kryetarja e Kuvendit, Jozefina Topalli, kërkon rideklarim të deputetëve për grupet parlamentare në të cilën bëjnë pjesë.
BLEDAR HOTI
Edhe pse kjo procedurë ka kaluar sipas Rregullores, kryeparlamentarja Topalli kërkoi në seancën e mbrëmshme rideklarimin nga ana e deputetëve se në cilin grup parlamentar do të aderojnë. "I bëj thirrje kryetarëve të partive politike që të sjellin listat me emrat e deputetëve të grupeve të tyre parlamentare. I kërkoj deputetëve të depozitojnë deklaratat e tyre se në cilin grup do të bëjnë pjesë. Kjo pasi unë vazhdoj të kem përpara listën e vjetër të grupeve parlamentare, por ka grupe që nuk e kanë numrin e duhur prej shtatë anëtarëve", deklaroi Topalli. Në bazë të dhënave mësohet se, grupet me probleme janë tre gjithsej, dy prej të cilave i përkasin opozitës dhe një, maxhorancës parlamentare. Bëhet fjalë për grupin parlamentar "Qendra Liberaldemokrate" e Neritan Cekës së PAD-së. Në sitin zyrtar të Parlamentit në internet figurojnë që në këtë grup përveç Cekës, bëjnë pjesë deputetët Pirro Lutaj i PAD-së, Qemal Minxhozi i PS-së, Bukurosh Stafa i pavarur dhe Fatmir Xhindi i PS-së. Në një kohë që për formimin e një grupi parlamentar duhet një numër prej shtatë deputetësh. Në nenin 15 të Rregullores theksohet se, "për krijimin e një grupi parlamentar kërkohet një minimum prej 7 deputetësh dhe se çdo deputet mund të jetë anëtar vetëm i një grupi parlamentar. Një deputet që largohet nga grupi parlamentar mund t'i bashkohet një grupi tjetër vetëm pas gjashtë muajve nga data e largimit". Një tjetër grup që mund të ketë probleme është dhe ai PSD-së, pasi deputeti Pilo Keri ka prej mëse gjashtë muajsh që i është bashkangjitur grupit më të madh të opozitës, të socialistëve. Kjo bën që grupi i PSD-së të mbesë vetëm me gjashtë vetë gjithsej, pas largimit të Kerit në grupin e PS-së. Aktualisht ky grup i mbetet të përfaqësohej vetëm me Gjinushin, Bejtaj, Kola, Divjaka, Musabelliu dhe Çuli. Grupi i tretë i maxhorancës është "Qendra Demokrate", që drejtohet nga kreu i PBDNJ-së, Vangjel Dule. Në sitin e parlamentin ky grup figuron me gjashtë deputetë. Emrat e tjerë janë Leonard Solis, Spiro Peçi, Mehmet Hoxha, Mehmet Xheka dhe Aurel Bylykbashi. Tre deputetët e fundit janë të PD-së, por i janë bashkëngjitur aleatit të tyre në qeveri. Në pikën 3 të nenit 15 përcaktohet se, "Kur numri i deputetëve të një grupi parlamentar bie nën numrin e parashikuar, nga pika 2 e këtij neni, grupi pushon së ekzistuari". Pra, nëse nuk arrihet numri magjik shtatë, atëherë nuk mund të ketë një grup parlamentar.
BLEDAR HOTI
Edhe pse kjo procedurë ka kaluar sipas Rregullores, kryeparlamentarja Topalli kërkoi në seancën e mbrëmshme rideklarimin nga ana e deputetëve se në cilin grup parlamentar do të aderojnë. "I bëj thirrje kryetarëve të partive politike që të sjellin listat me emrat e deputetëve të grupeve të tyre parlamentare. I kërkoj deputetëve të depozitojnë deklaratat e tyre se në cilin grup do të bëjnë pjesë. Kjo pasi unë vazhdoj të kem përpara listën e vjetër të grupeve parlamentare, por ka grupe që nuk e kanë numrin e duhur prej shtatë anëtarëve", deklaroi Topalli. Në bazë të dhënave mësohet se, grupet me probleme janë tre gjithsej, dy prej të cilave i përkasin opozitës dhe një, maxhorancës parlamentare. Bëhet fjalë për grupin parlamentar "Qendra Liberaldemokrate" e Neritan Cekës së PAD-së. Në sitin zyrtar të Parlamentit në internet figurojnë që në këtë grup përveç Cekës, bëjnë pjesë deputetët Pirro Lutaj i PAD-së, Qemal Minxhozi i PS-së, Bukurosh Stafa i pavarur dhe Fatmir Xhindi i PS-së. Në një kohë që për formimin e një grupi parlamentar duhet një numër prej shtatë deputetësh. Në nenin 15 të Rregullores theksohet se, "për krijimin e një grupi parlamentar kërkohet një minimum prej 7 deputetësh dhe se çdo deputet mund të jetë anëtar vetëm i një grupi parlamentar. Një deputet që largohet nga grupi parlamentar mund t'i bashkohet një grupi tjetër vetëm pas gjashtë muajve nga data e largimit". Një tjetër grup që mund të ketë probleme është dhe ai PSD-së, pasi deputeti Pilo Keri ka prej mëse gjashtë muajsh që i është bashkangjitur grupit më të madh të opozitës, të socialistëve. Kjo bën që grupi i PSD-së të mbesë vetëm me gjashtë vetë gjithsej, pas largimit të Kerit në grupin e PS-së. Aktualisht ky grup i mbetet të përfaqësohej vetëm me Gjinushin, Bejtaj, Kola, Divjaka, Musabelliu dhe Çuli. Grupi i tretë i maxhorancës është "Qendra Demokrate", që drejtohet nga kreu i PBDNJ-së, Vangjel Dule. Në sitin e parlamentin ky grup figuron me gjashtë deputetë. Emrat e tjerë janë Leonard Solis, Spiro Peçi, Mehmet Hoxha, Mehmet Xheka dhe Aurel Bylykbashi. Tre deputetët e fundit janë të PD-së, por i janë bashkëngjitur aleatit të tyre në qeveri. Në pikën 3 të nenit 15 përcaktohet se, "Kur numri i deputetëve të një grupi parlamentar bie nën numrin e parashikuar, nga pika 2 e këtij neni, grupi pushon së ekzistuari". Pra, nëse nuk arrihet numri magjik shtatë, atëherë nuk mund të ketë një grup parlamentar.