Kuvendi ende nuk ka marre ne shqyrtim kandidaturen per Bujar Leskajn

Edhe pse kane kaluar me shume se tre jave kur kreu i shtetit i ka propozuar Kuvendit te Shqiperise kandidaturen e Bujar Leskajt per postin e kreut te KLSH-se Kuvendi i Shqiperise ende nuk e ka marre ne shqyrtim kete propozim. Nderkohe qe Kuvendi pritet qe javen e ardhshme te marre ne shqyrtim kandidaturen e Bujar Leskaj te propozuar nga presidenti Topi per postin e kreut te KLSH. Ne baze te rregullores se kuvendit ne nenin 111 te saj parashikohet qe Me paraqitjen e kandidaturave per organet kushteuese ose te krijuara me ligj kryetari i Kuvendit ia kalon ato menjehere komisionit perkates i cili vendos nese kandidaturat i plotesojne kushtet ligjore brenda tri javeve nga marrja e kerkeses. Ne keto kushte ne baze te ketij neni i bie qe kuvendi eshte pertej afateve te parashikuara ne rregullore. Megjithate burime brenda kuvendit bejne te ditur se kandidatura e propozuar nga Presidenti i republikes nuk eshte marre ende ne shqyrtim per shkak te axhendes shume te ngarkuar te punimeve ne komision dhe ne menyre te vecante ne komisionin e ekonomise qe eshte edhe komisioni pergjegjes per propozimin per kreun e KLSH-se. Nderkaq pritet qe propozimi i kreut te shtetit te merret ne shqyrtim javen qe vjen ndersa pritet edhe qendrimi i kreut te mazhorances per kete propozim. Megjithese eshte pyetur per kete propozim ende kryeministri Berisha nuk ka shprehur qendrimin e tij per pelqimin ose jo te kandidiatures se presidentit ndersa brenda deputeteve demokrate ka patur zera qe jane shprehur pro kesaj figure por qe sipas tyre gjithcka do te vendoset nga grupi parlamentar. Nga ana tjeter kreu i PS-se Edi Rama ka deklaruar se opozita nuk do ta mbeshtese kete propozim. Me daten 17 nentor kreu i shtetit Bamir Topi i paraqiti Kuvendit nismen per caktimin ne krye te KSLH-se ish-deputetin demokrat Bujar Leskaj. Ndersa me daten 3 nentor kuvendi rrezoi me votat e mazhorances dhe me abstenimin e opozites kandidaturen e Sali Shehut te propozuar nga presidenti Topi per kete post.