Kuvendi, per here te fundit mblidhet me 11 maj, seance shtese per "Ramen"

Kuvendi do te mblidhet per te fundit here, ne 11 maj. Ne axhenden e punes se ketij institucioni, eshte percaktuar e hena e ardhshme, ku deputetet do te mblidhen, ndoshta per te fundit here per kete mandat katervjecar. Per te vijuar me pas, aktivitetet elektorale per zgjedhjet parlamentare te 28 qershorit. Ne nje seance te vetme, pritet te miratohen te gjithe projektligjet e mbetura ne kete mandat, mes tyre dhe projekti per Gjykatat Administrative. Megjithate sipas burimeve nga ky institucion, nuk perjashtohet dhe kerkesa per nje seance shtese, ku te diskutohet dhe votohet raporti i komisionit hetimor te ngritur per verifikimin e dhenies se lejeve te ndertimit nga kryetari i bashkise se Tiranes, Edi Rama. Ligjerisht puna e ketij komisioni perfundon te enjten e ardhshme, ne 14 maj. Kryetari i ketij komisioni, Ferdinand Xhaferi tha dje per gazeten "Koha Jone", se brenda afatit te percaktuar te Kuvendit, pra ne 14 maj, hetimi do te perfundoje. Ndonese kane kaluar dhjete ditet e para dhe ende nuk ka ndonje rezultat, Xhaferi u shpreh optimist se hetimi per Ramen do te mbyllet ne kohe, madje dhe do te votohet ne Kuvend. "Bashkia e Tiranes nuk po kontribuon aspak ne kete hetim. Kryetarin Edi Rama, e ka kapur paniku dhe fshihet ndaj hetimit dhe nuk jep asnje te dhene qe ne kerkojme", u ankua Xhaferri. Sipas tij, Rama po fshihet, por nuk do t'i shpetoje dot hetimit te Kuvendit. "Ne nuk kerkojme ndonje informacion te klasifikuar. Ne kemi kerkuar vetem procesverbalet e mbledhjeve te fundit te Keshillit Rregullues te Tiranes", tha Xhaferi. Ai theksoi se anetaret e mazhorances ne komision, do te perdorin te gjitha burimet dhe rruget ligjore, per te marre informacionin e kerkuar. Mungesen e dokumenteve, Xhaferri nuk e konsideroi aspak problematike per hetimin e komisionit qe ai drejton. Sipas tij, asgje nuk mund ta shpetoje Ramen, pasi shkeljet qe ai ka bere jane evidente dhe nuk mund te fshihen.

Kuvendi, bilanci i kater viteve, javen e ardhshme

Me ardhjen e fushates elektorale dhe punimeve te ketij Kuvendi, po i vjen fundi. Kryetarja e Kuvendit, Jozefina Topalli, ka thirrur mbledhjen e seances plenare ne 11 maj, e cila pritet te jete e fundit per kete sesion parlamentar. Shtyrje e mundshme per nje tjeter seance, pritet te behet vetem nese komisioni hetimor per lejet e ndertimit te kryetarit te baskise, Edi Rama, do te mbylle hetimet dhe do te depozitoje ne Kuvend raportin perfundimtar per te. Ne te kundert, 11 maji, do te jete dhe seanca e fundit e Kuvendit per kete legjislature.