Mediu: Zgjidhja e prones, objektivi madhor i PR

Pronat dhe perfshirja e grave ne jeten politike te vendit, kane qene koordinatat e takimit te republikaneve ne Korçe. Keshtu, Partia Republikane kandidon nje grua ne krye te listes se Qarkut te Korçes. Kryetari i PR-se, Fatmir Mediu i shoqeruar nga anetare te kryesise se kesaj partie, gjate takimit me simpatizante ne kete qytet, prezantoi Myrvete Pazaj si kandidate te pare per kete qark. “Partia Republikane eshte e ndjeshme ndaj kerkesave dhe nevojave te shqiptareve. Me mire se kurre kjo deshmohet ne Korçe. Perfaqesimi me i larte i gruas ne politike, eshte tashme nje nevojshmeri dhe PR po e realizon sa me mire. Listen shumeemerore e kryeson nje grua, znj. Myrvete Pazaj, e cila kam besimin se gezon respektin dhe mbeshtetjen e te gjithe qytetit te Korçes”, deklaroi kreu i PR-se, Fatmir Mediu ne fjalen e tij. Po keshtu kreu i republikaneve theksoi se arritjet e ketyre viteve qeverisjeje, jane merite jo vetem e qeverise se djathte por e gjithe shqiptareve. Mediu tha se PR eshte nje parti, e cila ka si objektiv te saj kryesor zgjidhjen e çeshtjes se prones ne vend, pasi mendon se vetem me zgjidhjen e kesaj çeshtjeje, vendi do te arrije te jete pjese e BE.