Kuvendi voton anëtarin e Kushtetueses dhe kreun e ri të ERE
24/06/2011 Opozita vijon bojkotin e saj të seancave plenare në Kuvendin e Shqipërisë
Mazhoranca pro Fatmir Hoxhës në Kushtetuese dhe Sokol Ramadanit në ERE
Me 72 vota pro, asnjë abstenim dhe në mungesë të opozitës Kuvendi miratoi dje dekretin e Presidentit të Republikës Bamir Topi për emërimin e Fatmir Hoxhës në postin e anëtarit të ri të Gjykatës Kushtetuese. Emërimi i Hoxhës u bë pas rrëzimit të tri propozimeve të tjera të kreut të shtetit nga ana e deputetëve të mazhorancës në Komisionin parlamentar të Ligjeve 10 ditë më parë. Deputetët e mazhorancës në këtë komision ranë dakord për miratimin e një prej propozimeve të Presidentit Bamir Topi, i cili në shtatorin e vitit të kaluar ka firmosur dekretet për katër vendet bosh për anëtarë në Gjykatën Kushtetuese. Presidenti kishte përzgjedhur Fatmir Hoxhën, Edlira Jorgaqin, Artan Hoxhën dhe Ardian Lekën, nga këta vetëm i pari arriti të merrte votëbesimin e deputetëve në Kuvend. Me një votim të hapur kandidatura e Fatmir Hoxhës për anëtar të Gjykatës Kushtetuese mori 72 vota pro, duke u emëruar kështu anëtar i kësaj Gjykate. Gjithashtu një tjetër votim i rëndësishëm ishte dhe miratimi i Sokol Ramadanit për kryetar të ri të Entit Rregullator të Energjisë, ku votimi i tij u bë i fshehtë. Kandidatura e Sokol Ramadanit mori 72 vota pro, duke u zgjedhur kështu kryetari i ri i ERE-së. Sokol Ramadani, i cili më parë ka mbajtur postin e kreut të OST-së, do të zëvendësojë Bujar Nepravishtën.
Kuvendi votoi dje edhe projektligjet e tjera të parashikuara në rendin e ditës, si ai për disa ndryshime në ligjin “Për arsimin profesional” si dhe projektligjin “Për shërbimin e kërkim-shpëtimit në Republikën e Shqipërisë”. Votat edhe për këto projektligje u siguruan vetëm nga mazhoranca, pasi opozita ka bojkotuar seancën e djeshme, duke vijuar kështu qëndrimin bojkotues ndaj institucionit ligjvënës që nga data 2 qershor, kur Kuvendi rinisi seancat plenare, të ndërprera për shkak të zgjedhjeve lokale të 8 majit.
Ky bojkot i opozitës lidhet me qëndrimin e saj kontestues ndaj vendimeve të KQZ-së për rezultatin e përfundimtar të zgjedhjeve për kryetarin e Bashkisë së Tiranës, ku Rama humbi përballë kandidatit të djathtë Lulzim Basha.
Rrëzimi i dekreteve
Deputetët e mazhorancës rrëzuan 10 ditë më parë katër propozimet e Presidentit Topi për plotësimin e vendeve vakante në Gjykatën e Lartë dhe atë Kushtetuese. Komisioni i Ligjeve, në mungesë të përfaqësuesve të opozitës, pas shqyrtimit të propozimeve të sjella nga Topi për miratim, doli në përfundimin se disa prej tyre nuk i plotësojnë kriteret. Në këto kushte, kreu i Komisionit të Ligjeve, Ilir Rusmali, i kërkoi edhe një herë Presidentit Topi të rishikojë kandidaturat e zgjedhura dhe të zgjedhë gjyqtarë që i plotësojnë të gjitha kriteret kushtetuese për të qenë anëtarë të këtyre gjykatave.
Mazhoranca pro Fatmir Hoxhës në Kushtetuese dhe Sokol Ramadanit në ERE
Me 72 vota pro, asnjë abstenim dhe në mungesë të opozitës Kuvendi miratoi dje dekretin e Presidentit të Republikës Bamir Topi për emërimin e Fatmir Hoxhës në postin e anëtarit të ri të Gjykatës Kushtetuese. Emërimi i Hoxhës u bë pas rrëzimit të tri propozimeve të tjera të kreut të shtetit nga ana e deputetëve të mazhorancës në Komisionin parlamentar të Ligjeve 10 ditë më parë. Deputetët e mazhorancës në këtë komision ranë dakord për miratimin e një prej propozimeve të Presidentit Bamir Topi, i cili në shtatorin e vitit të kaluar ka firmosur dekretet për katër vendet bosh për anëtarë në Gjykatën Kushtetuese. Presidenti kishte përzgjedhur Fatmir Hoxhën, Edlira Jorgaqin, Artan Hoxhën dhe Ardian Lekën, nga këta vetëm i pari arriti të merrte votëbesimin e deputetëve në Kuvend. Me një votim të hapur kandidatura e Fatmir Hoxhës për anëtar të Gjykatës Kushtetuese mori 72 vota pro, duke u emëruar kështu anëtar i kësaj Gjykate. Gjithashtu një tjetër votim i rëndësishëm ishte dhe miratimi i Sokol Ramadanit për kryetar të ri të Entit Rregullator të Energjisë, ku votimi i tij u bë i fshehtë. Kandidatura e Sokol Ramadanit mori 72 vota pro, duke u zgjedhur kështu kryetari i ri i ERE-së. Sokol Ramadani, i cili më parë ka mbajtur postin e kreut të OST-së, do të zëvendësojë Bujar Nepravishtën.
Kuvendi votoi dje edhe projektligjet e tjera të parashikuara në rendin e ditës, si ai për disa ndryshime në ligjin “Për arsimin profesional” si dhe projektligjin “Për shërbimin e kërkim-shpëtimit në Republikën e Shqipërisë”. Votat edhe për këto projektligje u siguruan vetëm nga mazhoranca, pasi opozita ka bojkotuar seancën e djeshme, duke vijuar kështu qëndrimin bojkotues ndaj institucionit ligjvënës që nga data 2 qershor, kur Kuvendi rinisi seancat plenare, të ndërprera për shkak të zgjedhjeve lokale të 8 majit.
Ky bojkot i opozitës lidhet me qëndrimin e saj kontestues ndaj vendimeve të KQZ-së për rezultatin e përfundimtar të zgjedhjeve për kryetarin e Bashkisë së Tiranës, ku Rama humbi përballë kandidatit të djathtë Lulzim Basha.
Rrëzimi i dekreteve
Deputetët e mazhorancës rrëzuan 10 ditë më parë katër propozimet e Presidentit Topi për plotësimin e vendeve vakante në Gjykatën e Lartë dhe atë Kushtetuese. Komisioni i Ligjeve, në mungesë të përfaqësuesve të opozitës, pas shqyrtimit të propozimeve të sjella nga Topi për miratim, doli në përfundimin se disa prej tyre nuk i plotësojnë kriteret. Në këto kushte, kreu i Komisionit të Ligjeve, Ilir Rusmali, i kërkoi edhe një herë Presidentit Topi të rishikojë kandidaturat e zgjedhura dhe të zgjedhë gjyqtarë që i plotësojnë të gjitha kriteret kushtetuese për të qenë anëtarë të këtyre gjykatave.