LDK zvogelon mbeshtetjen ndaj familjes Rugova
Familja e Presidentit te pare te Kosoves Ibrahim Rugova nuk eshte duke e gezuar mbeshtetjen financiare te cilen ia kishte premtuar Lidhja Demokratike e Kosoves ne prill te vitit 2007. Keshtu shkruante ne nje artikull te sajin Koha Ditore.
Nga 2.500 eurot qe kryesia e mehershme e LDK-se ishte zotuar se do tia ndante kesaj familjeje per cdo muaj e veja e Rugoves Fana aktualisht eshte duke marre vetem 500. Me zvogelimin e financave LDK-ja e ka pamundesuar edhe pagesen e personelit qe eshte i angazhuar ne kryerjen e sherbimeve te ndryshme brenda shtepise - rezidences ne lagjen Velania te Prishtines. Ish-shefi i Sigurimit te Presidentit Rugova Qefser Baholli i cili ende eshte i angazhuar ne kete shtepi ka deklaruar se shkurtimi i mbeshtetjes financiare nga LDK-ja nuk lidhet me veprimet e fundit te Uke Rugoves. Djali i vogel i Rugoves bashke me Bujar Bukoshin kane vendosur qe te hyjne nje zgjedhjet e 12 dhjetorit ndaras nga kandidatet e partise te cilen e ka drejtuar Ibrahim Rugova per 16 vjet. Ai ka themeluar listen Rugova dhe eshte futur ne koalicion parazgjedhor me AAK-ne e Ramush Haradinajt.
Baholli mohon qe ky veprim te jete bere shkas per ndonje revansh te mundshem te LDK-se pasi sipas tij shkurtimi i financave ka filluar te behet qysh para nje viti. Ne nentor te vitit te kaluar kemi pare se ne xhirollogari nuk kane dale 2.500 euro por vetem 500. Fillimisht kemi menduar se behet fjale per ndonje gabim teknik por kur kemi thirrur ne parti na kane treguar se nuk behet fjale per gabim por per mungese te financave - ka shpjeguar Baholli. Nga ajo kohe sipas tij familja Rugova nuk ka kerkuar me shpjegime. Se cfare ne te vertete ka ndodhur me financimin e familjes Rugova duket se nuk e ka te qarte as sekretari i pergjithshem i LDK-se Ismet Beqiri. Ai eshte i sigurt se familja Rugova eshte ende duke u mbeshtetur konform vendimit te 2007-s. Vendimi qe eshte marre atehere vazhdon te jete ne fuqi. Familja e Presidentit Rugova eshte duke marre nga 2.500 euro dhe do te vazhdoje ti marre edhe ne te ardhmen - ka deklaruar Beqiri permes nje bisede telefonike te zhvilluar para pak ditesh. Ai nuk e ka pare te arsyeshme qe kryesia e re ta rishqyrtoje vendimin e kryesise se kaluar pasi sipas tij familja Rugova ka qene dhe do te mbetet familje e LDK-se.
Pak ka rendesi nese Uka ka bere liste te vecante te kandidateve per deputete. Per ne si ai si anetaret e tjere te familjes do te vazhdojne te konsiderohen si anetare te LDK-se. Prandaj nuk ka asnje arsye qe kryesia e re ta rishqyrtoje vendimin per mbeshtetjen financiare te kesaj familjeje - ka shtuar Beqiri. Por pergjegjesi per financa ne LDK Lutfi Zharku konfirmon se mbeshtetja financiare per familjen Rugova eshte zvogeluar nga momenti kur ka hyre ne fuqi ligji per Presidentin.