LSI: Opozita të mos bëhet pengesë për integrimin e vendit

“Bllokimi i procesit do të ishte i pafalshëm dhe pasojat do të bien mbi shqiptarët, të cilët më shumë se çdo komb tjetër e duan integrimin” theksoi në një konferencë për shtyp, nënkryetari i LSI-së, Petrit Vasili.

“Pakti kombëtar i propozuar nga LSI-ja ka qenë dhe mbetet një zgjidhje parimore dhe gjithëpërfshirëse. Ky pakt vazhdon të jetë zgjidhje politike që interesat e shqiptarëve i vë të parat. Ky pakt, është mundësia e vetme që dialogu të udhëheqë procesin politik në Shqipëri.”, vijoi Vasili.
     
Duke iu referuar deklaratave të kreut të PS-së, Edi Rama, Vasili theksoi se pakti kombëtar nuk duhet të përdoret si kushte të njëanshme, apo për interesat e ngushta të individëve të ndryshëm./Start/

                                                                                             2011-09-25 14:37