Laskaj: 11 zyrtare, ndjekje penale

Rreth 11 zyrtare te larte te shtetit do te ndiqen penalisht se refuzuan te deklarojne pasurine prane Inspektoratit te Larte te Pasurive. Ne perfundim te cdo afati e tolerimi ligjor, kryetarja e Inspektoratit te Larte te Pasurive, Fatmira Laskaj, depozitoi dje ne Prokurorine e Pergjithshme kallezimet penale per 11 emra te zyrtareve, qe refuzuan te deklarojne xhepat. “Inspektorati i Larte i Deklarimit dhe Kontrollit te Pasurive dergoi ne organin e Prokurorise kallezim penal per 11 subjekte, te cilet nuk kane dorezuar ende deklaraten e interesave private, detyrim qe duhej te plotesohej deri me 31.3.2008”, reagoi dje kryeinspektorja Laskaj. Sipas saj, ndaj ketyre zyrtareve u vendos me pare masa e gjobes dhe u paralajmerua ndjekja penale, por pa rezultat. “Duke mos pasur asnje reagim, Inspektorati i Larte dergoi kallezim penal 11 zyrtaret, bazuar ne nenin 257/a te Kodit Penal te Republikes se Shqiperise, sipas te cilit ”Refuzimi per deklarim ose mosdeklarimi i pasurise se personave te zgjedhur, ose nepunesve publike sipas ligjit, kur me pare jane marre masa administrative, perben kundervajtje penale dhe denohet me gjobe, ose me burgim deri ne 6 muaj”, vijoi Laskaj. Ne listen prej 11 emrash bie ne sy drejtori i Ujesjellesit te Tiranes, Taulant Zeneli si dhe dy funksionare te Drejtorise se Pergjithshme te Tatimeve, Arben Tole dhe Miranda Roshi. Nderkohe qe anetaret e tjere jane kryetare te komunave te ndryshme ne vend. Nder ta mund te permendin kryetarin e komunes Berzhite, Genc Drita, te komunes Milot, Vlash Gega, apo te komunes Levan, Agim Qevanaj. Lista vijon me kryetarin e komunes Clirim, Arjan Dhimo, komunes Markat, Ismail Murtaj, por dhe anetarin e Keshillit Drejtues KKRT-se, Detar Hysi.

R.R

Lista e zyrtareve

Miranda Roshi, D.P.Tatimeve

Arben Tole, D.P.Tatimeve

Detar Hysi, KKRT Anetar i K.D

Taulant Zeneli, Drejtor Ujsjelles Kanalizime

Agim Qevanaj, Kryetar Komune, Levan

Arjan Dhimo, Kryetar Komune, Clirim

Vlash Gega, Kryetar Komune, Milot

Sokol Cubi, Kryetar Komune, Pult

Dritan Duka, Kryetar Komune, Shengjergj

Genc Drita, Kryetar Komune, Berzhite

Ismail Murtaj, Kryetar Komune, Markat