Laskaj, me vendoret per konfliktin e interesave. Prezent dhe OSBE

Inspektorati i Larte i Deklarimit dhe Kontrollit te Pasurive zhvillon dje nje takim me te gjithe prefektet dhe kryetaret e keshillave ne qarqe, per procesin e trajnimin e zyrtareve dhe parandalimin e konfliktit te interesave. Pjesemarres ne aktivitet do te jene dhe zv/ministri i Brendshem, Ferdinand Pone, drejtori i Pergjithshem i ITAP-it, Fatmir Demneri si dhe ambasadori i OSBE-se ne Shqiperi, Robert Bosch. Diskutimet do te perqendrohen ne zbatimin e ligjeve si per deklarimin e pasurise ashtu edhe per konfliktin e interesave. Pjese e diskutimit do te jene problemet e hasura me zyrtaret ne zbatimin e ketyre ligjeve, si dhe trajnimet e shumta te bera nga ILDKP per nepunesit e rezultatet e tyre. Vetem nje jave me pare inspektorati zhvilloi nje takim me perfaqesues te institucioneve per me shume bashkepunim ne ndergjegjesimin e zyrtareve qe te deklarojne pasurine. Takime te tilla zhvillohen nga problemet qe ILDKP has me deklaratat e pasurise se zyrtareve qe nuk behen ne kohe dhe kane pasaktesi. Ne ceremonine e sotme do te jene te pranishem mbi 50 drejtues te bashkive dhe komunave ne vend.
R.R
Prioritetet
Integrimi ne strukturat euroatlantike eshte prioritet kryesor i Shqiperise. Kete Presidenti Bamir Topi ua beri te qarte dje dhe anetareve te Asamblese Parlamentare te Keshillit te Evropes. Topi foli me bindje se ka nje konsensus te plote mes forcave politike dhe opinionit per integrimin e Shqiperise ne strukturat euroatlantike.
Drejtesia
Nga Strasburgu, kreu i shtetit, Bamir Topi, leshoi mesazhe per politiken se drejtesia duhet t'i sherbeje qytetarit dhe jo politikes. Topi kerkoi qe reforma ne drejtesi te preke qelizat me te ndjeshme ndaj semundjes se korrupsionit per ta crrenjosur ate. Ndaj Presidenti tha se inkurajon tryezat politike dhe mes hallkave te sistemit te drejtesise.
Zgjedhjet
Ne fjalen e tij ne Asamblene Parlamentare te KE, Topi permendi dhe reformen zgjedhore. Ai kerkoi qe debati parlamentar per kete ceshtje duhet te jape frytet e tij per nje sistem te qendrueshem, afatgjate, i cili te realizoje pasqyrimin real te votes se lire ne nivelet politike qeverisese, ose opozitare ne nivelin qendror edhe ne ate lokal.
Vleresimi
Topi e permendi si vleresim faktin qe eshte hequr monitorimi i Asamblese Parlamentare te KE. Heqja e ketij monitorimi, sipas Topit, provon se Shqiperia ka dale nga faza e pare e tranzicionit ne vazhdim te procesit te saj te integrimit dhe pohon nivelin e larte te demokracise e plotesimin e standardeve te KE ne vend.
NATO
"Gjykoj se ne e meritojme nje ftese te tille. Ne historine e anetaresimit drejt NATO-s, Shqiperia jep shembullin e rralle, ku te gjitha forcat politike jane ne konsensus te plote, te gjithe faktoret joqeveritare, te gjitha grupet shoqerore, te gjitha mediat dhe i gjithe opinioni publik mbeshtesin kete anetaresim", tha Presidenti Topi ne Strasburg.
Udhetimi
Prej dy ditesh, delegacioni shqiptar, qe drejtohet nga Presidenti Bamir Topi ndodhet ne Strasburg per te marre pjese ne punimet e Asamblese Parlamentare te Keshillit te Evropes. Delegacioni perbehet nga Aleksander Biberaj, zv/president i Asamblese Parlamentare, Kastriot Islami, Lajla Pernaska, Diana Culi dhe Paskal Milo.
Feja
I pyetur nga perfaqesues te Asamblese Parlamentare te KE se si ka mundesi qe ne Shqiperi, nje vend aq i vogel, te jetojne ne harmoni tre besime fetare, Topi eshte shprehur se ky eshte nje standard i arritur nga vete shqiptaret. Madje, ai ka nenvizuar se shkojne dhe ne festat e njeri-tjetrit dhe martesat mes tyre s'jane te ndaluara.
Minoritetet
Shqiperia mbetet plotesisht e angazhuar ne venien ne zbatim te Konventes kuader "Per Mbrojtjen e Minoriteteve Kombetare". Ky ka qene qendrimi i Presidentit shqiptar, Bamir Topi, teksa eshte pergjigjur interesimit te europarlamentareve. Ai ka permendur hapjen e shkollave dhe perfshirjen e minoritetit ne jeten politike e publike.