Ligji: Mund te behesh gjyqtar, vetem mbi 30 vjec
Statusi i gjyqtareve ka sjelle debate ne Komisionin e Ligjeve, ku po shqyrtohet projektligji per "Organizimin e Pushtetit Gjyqesor", pjese e paketes per reformen ne drejtesi. Per tre ore anetaret diskutuan me dyer te mbyllura mbi percaktimin e moshes se gjyqtareve, kohezgjatjen e procedura te tjera qe lidhen me to, pa arritur ne nje vendim. Megjithese puna eci disi, duke u miratuar edhe gjashte nene te tjera te projektligjit, komisioni nuk arriti te marre nje vendim te plote. Sipas nje prej anetareve, Aldo Bumci duke mbetur te statusi i gjyqtareve, nga debatet e permendura u diskutua qe mosha minimale per t'u bere gjyqtar te jete 30 vjec. "Megjithate ne diskutimet per moshen e gjyqtarit, do te shikohet nese mund te perfshihet ne nje hapesire tjeter, jo ne ligj", tha Bumci, duke theksuar se maxhoranca eshte e hapur per ndryshime e diskutime ne cdo nen te projektligjit per organizimin e pushtetit gjyqesor. Nga ana tjeter, Bumci vleresoi frymen e konsensusit, me te cilen po ecen komisioni ne diskutimin e ketij projekti, e reformes ne drejtesi. Sipas tij, komisioni, i cili do te mblidhet serish diten e sotme, pritet te kaloje rreth tete nene te tjera te projektit. Por, puna mbetet e gjate, duke qene se nisma e Ministrise se Drejtesise per pushtetin gjyqesor perbehet nga 45 nene. Pas diskutimit te ketij projektligji, si dhe kalimit ne duar te ndryshimeve ne Kodin Penal e Civil, komisioni do te vijoje me propozime te tjera per reformen ne drejtesi. Vetem nje dite me pare, kryetarja e Grupit socialist, Valentina Leskaj, beri propozime konkrete per reformen ne drejtesi. Propozime qe do t'i kalojne komisionit per shqyrtim.
R.Rapushi