Legalizimet, ALUIZNI sulmon vendoret

ELBASAN- Zyra e ALUIZNI-t ne Elbasan ka akuzuar njesite vendore se po lejojne vazhdimin e ndertimeve pa leje, nderkohe qe pushteti lokal ben te ditur se tashme kompetencat per ndertimet i kane kaluar atyre. Sipas drejtorit te ALUIZNI-t, Ditor Musai, ne komunat perreth Elbasanit jane konstatuar 50 ndertime pa leje qe jane kryesisht shtepi banimi. "Vete komunat ne kuader te decentralizimit te pushtetit vendor kane detyre te ngrejne inspektoriate per te kontrolluar qe objekte pa leje, qe te mos ndertohen me ne territorin e tyre. Nuk mund te kete nje ligj nr. 2 qe do t'i jape te drejte ketyre ndertuesve te rinj, te cilet nuk e kane kuptuar se veprimet per legalizim jane mbyllur ne 24 nentor te vitit 2006", thote ai per gazeten "KJ". Pas kesaj date eshte pergjegjesi e pushtetit vendor per cdo ndertim pa leje dhe sipas ligjit, policia bashkiake apo komunare duhet te kontrollojne territorin e te mos lejojne qe te ndertohet ne territorin e tyre. Shqetesimi i ALUZINI-t Elbasan eshte ngritur pasi prane zyrave te ketij institucioni jane paraqitur qytetare te cilet kane shprehur interesin te legalizojne objekte qe nuk i kane vetedeklaruar me pare, ose i kane ndertuar pas ketij afati. Sipas te dhenave nga kjo agjenci, behet fjale kryesisht per shtepi te cilat jane ndertuar ne territor pa dokument pronesie. Po keshtu konfirmohet se ndertime jane ngritur kryesisht ne komunat me te aferta me qytetin, si Baradashesh e Labinot-Fushe. Musai ka kerkuar nderhyrjen e prefektit per te sensibilizuar kryekomunaret, te cilet sipas tij jane kthyer ne pale me shkelesit duke i shkaktuar keshtu nje dem me te madh. Po keshtu ndertuesit rrezikojne gjobe, deri ne 5 vjet burg me ndryshimet ne ligj. Disa kryetare komunash u shprehen se pretendimet e ALUIZNI-t nuk qendrojne, pasi per te gjitha ndertimet e nisura pas ketij afati po ndiqen procedurat ligjore dhe kompetencat e deleguara per pushtetin vendor. Sipas tyre afati i vendosur per legalizimet nuk do te thote qe te nderpriten ndertimet e tjera.

Prefektura e Elbasanit do te zhvilloje brenda pak diteve nje takim me kryekomunaret ku do to behet i ditur ky fakt si dhe penalizimet qe cdo qytetar rrezikon nese nderton pa leje dhe qe te disiplinohet dhenia e lejeve te ndertimit.