Arsenali dhe Liverpuli, barazime

Arsenali nuk shkon me shume se ne barazim me Midellsbro. Adebajor shenoi shume shpejt, ne minuten e 17-te te ndeshjes, por Adilajder barazoi pak minuta me vone dhe goli i tij mbeti ne fuqi deri ne fund te ndeshjes. Megjithese djemte e Arsen Vengerit kerkuan deri ne fund golin e fitores dhe paten disa mundesi per te gjetur rrjeten, nuk arriten dot te zhbllokoheshin. Barazimi i fundit e largon edhe me shume Arsenalin nga gara per titullin kampion, nje objektiv i shpallur ne fillim te sezonit. Rezultatet e fundit te topcinjve nuk kane qene bindese. Nga ndeshjet e tjera bie ne sy barazimi i Liverpulit ne "Anfild Road". Surpriza e ketij sezoni, Hull vazhdon me mrekullite, ne Premier Lige. Dy gola te shpejte per pak sa nuk i shkaktuan humbjen ekipit te Rafa Benitezit. Ztiven Zherard, kapiteni i Liverpulit, rezultoi edhe nje here tjeter shpetimtar per ekipin e tij, pasi shenoi dy gola ne pjesen e pare, duke i barazuar shifrat ne 2-2. Pas golit te dyte, fitorja e Liverpulit u mendua e lehte, por edhe pas perfundimit te pjeses se pare, rezultati mbeti i njejte deri ne fund dhe te gjitha perpjekjet e liverpulasve nuk u finalizuan me sukses. Deri ne momentin e golit te pare te Zherard, miqte kryesuan paster 2-0. Barazimi nuk i dha mundesi Liverpulit, qe kryeson aktualisht, te shkeputej ne Premier Lige. Ne ndeshjet e tjera te kampionati anglez pritet me interes, sfida e ndeshjes se neserme mes Celsit dhe Uest Hemit te Londres. Ne derbin e Londres, blute jane favorite, per te fituar dhe per te marre kreun e klasifikimit. Aton Vila, nje ekip qe synon, fitoi thelle 4-2 ndaj Boltonit, ndersa milionat qe jane hedhur ne merkaton e Mancester Sitit, nuk kane vlejtur ne pjesen e pare te ketij sezoni. Vendasit jane mundur ne shtepi nga ana e Evertonit. Edhe Sanderlende arriti nje fitore te paster dhe te thelle ndaj WBA, duke e zhytur kete te fundit ne krize.