Leku, Stringa: BSH të marrë masa

Dekani i Fakultetit të Ekonomisë, Omer Stringa në një prononcim për "Ora News" deklaroi se Banka e Shqipërisë duhet të marrë masa për të ndërhyrë në zhvlerësimin e lekut kundrejt euros, por kjo pasi të jenë analizuar shkaqet për këtë zhvlerësim. Ai tha se disa nga shkaqet që sjellin këtë zhvlerësim të lekut janë efekti i krizës ekonomike, forcimi i euros në tregun ndërkombëtar, rënia e dërgesës së emigrantëve dhe financat publike.
Sipas Stringës, paniku ndërlikon problemin e rritjes së vlerës së euros dhe zhvlerësimit të lekut.