Lendet me zgjedhje, cfare duhet te mesoni

Perfundon hartimi i programeve orientuese i lendeve me te reja me zgjedhje, per te cilat do te testohen maturantet qe duan te vazhdojne studimet e larta. Ministria e Arsimit publikoi dje programet per Historine, Gjeografine dhe Njohurine per Shoqerine, te cilat kete vit jepen per here te pare si lende te vecanta. Pjese e ketyre programeve eshte edhe gjuha frenge, e cila futet per here te pare ne listen e lendeve qe maturantet mund te zgjedhin per ne shkolle te larte. Gjithashtu, Ministria e Arsimit publikon edhe bllokun e ri te lendeve, Njohuri per Ekonomine dhe Filozofi, te cilat sivjet jane bashkuar. Programet orientuese te meposhtme permbajne thelbin e dijeve ne secilin specialitet. Pyetjet e testit do te merren pikerisht brenda tyre, ndaj specialistet sugjerojne qe ato te asimilohen. Nese maturanti, kandidat per ne shkolle te larte, i perfeksionon keto mesime, atehere nuk ka pse te shqetesohet diten e provimeve te lendeve me zgjedhje.

Burime nga Ministria e Arsimit, bene te ditur se Programet Orientuese u hartuan nga Instituti i Kurrikules dhe Trajnimeve (IKT) dhe jane baza per hartimin e testeve te provimeve te Matures Shteterore nga Agjencia Qendrore e Vleresimit te Arritjeve te Nxenesve. Ato permbajne nga 50-60 per qind te programit te plote te lendeve te shkollave te mesme. Per t’u dhene sa me shume informacion maturanteve, prej 10 ditesh MASH ka ricelur adresen elektronike matura@mash.gov.al, ku maturantet mund te kerkojne informacione dhe te marrin on-line pergjigje nga zyrtare te MASH per cdo pyetje rreth Matures Shteterore. Qe nga data 18 shkurt 2008, te gjitha programet orientuese lendore po shperndahen ne shkolla, por per nje mbarevajtje me te mire te nxenesve gjate semestrit te dyte te vitit te fundit te shkolles se mesme, MASH u ben thirrje te gjithe maturanteve te perqendrohen ne teresine e lendeve dhe jo vetem ne pjesen e programit qe permbajne keto Programe Orientuese lendore.