Operacioni i rralle ne tru per pacientet epileptik

Mjeket shqiptare dhe ata italiane kane realizuar per here te pare operacionin e rralle ne tru, duke perdorur sonden te pacientet epileptike. Grupi, i kryesuar nga mjeku neurokirurg, Mentor Petrela, ka realizuar dje nderhyrjen te nje pacient kosovar, i cili eshte diagnostikuar ne Itali, fale teknologjise dhe aparaturave bashkekohore. Vleresohet se ne Shqiperi jane rreth 30 mije persona qe vuajne nga semundja e epilepsise, por rreth 10 per qind e tyre kane nevoje per operacion. “Ketij operacioni do t’i nenshtrohen te semuret epileptike, qe nuk kane rezultat nga mjekimi. Mendohet se 10 per qind e te semureve me epilepsi ne Shqiperi do te operohen. Qellimi eshte te ulet doza e ilaceve dhe i semuri te mos kete kriza”, ka deklaruar pas operacionit profesor Mentor Petrela. Sipas tij, 60 per qind e pacienteve me epilepsi trajtohen me medikamente dhe kostoja ne vendet Perendimore per nje pacient shkon deri ne 140 mije dollare ne vit, por ne Shqiperi nuk ka shifra te sakta. Epilepsia eshte nje semundje kronike, e cila mjekohet vazhdimisht dhe ne disa raste sherohet. Por, rreth 20 per qind e rasteve ne Shqiperi jane rezistente ndaj mjekimit dhe kane kriza te forta, ndaj kerkohet nderhyrje kirurgjikale, shume e veshtire, qe tashme mund te behet ne vendin tone. Keta paciente kryejne me pare rezonancen manjetike, ku dhe lokalizojne zonen epileptike. “Qendra e rezonances magnetike eshte me e specializuara ne vend. Ne kryejme rreth 3 mije ekzaminime ne vit. Kurse shkaku i epilepsise percaktohet ne baze te te dhenave dhe me pas zgjidhet menyra e zgjidhjes se problemit”, shprehet mjeku Gjergji Vreto. Operacioni i pare per epilepsine ishte nje bashkepunim i mjekeve shqiptare dhe institutit te Milanos “Carlo Besta”. Ne nje konference per shtyp, perfaqesuesi i ambasades italiane ne Shqiperi ka premtuar per bashkepunim ne fushen e mjekesise.