Leonard Demi, nenkryetar Kuvendi

TIRANE - Deputeti demokrat Leonard Demi, njekohesisht Kryetar i Komisionit te Sigurise Kombetare, eshte nder emrat e vetem qe permendet ne seline blu si pasardhesi i Fatos Bejes ne postin e nenkryetarit te Kuvendit. Ndonese nuk behet fjale ende per nje propozim zyrtar, Demi po lakohet si kandidatura e mundshme per te marre postin e nenkryetarit te Kuvendit pas emerimit te Bejes si Minister i Arsimit. Megjithese eshte nder te vetmit emra qe lakohet ne Partine Demokratike, Demi do te jete pjese e diskutimeve ne kryesine e Partise Demokratike. Vetem ne nje mbledhje te kesaj kryesie mund te vendoset perfundimisht propozimi i tij per kete post. Mbledhja e kryesise pritet te realizohet ne ditet e para te muajit shtator kur do te cele edhe sesioni i ri parlamentar per kete vit. Ne mbledhjen e kryesise se PD-se, shqyrtohen kandidaturat e mundshme per te arritur ne nje vendimmarrje e cila me pas do te vendoset ne Kuvend. Demi, i permendur deri me sot si i vetmi emer per te gezuar postin e nenkryetarit te Kuvendit per vitin e mbetur te kesaj legjislature, ka nje curiculum te pasur ne karrieren politike dhe ate parlamentare. I diplomuar ne Universitetin e Elbasanit ne degen Gjuhe Letersi por edhe per studime politike te jashtme dhe sigurie, Demi mori mandatin e deputetit ne zgjedhjet parlamentare 2005 ne kryeqytet. Por kjo nuk eshte e vetmja eksperience e tij ne Kuvend. Si anetar i Keshillit Kombetar dhe te Kryesise se PD-se, Demi ka qene deputet ne Kuvend dhe ne legjislaturen XIV dhe XV. Me marrjen serish te mandatit ne 2005, Demi u riemerua ne postin e anetarit te Keshillit Kombetar dhe Kryesise se PD-se, si dhe Sekretar per Sigurine Kombetare ne kete parti. I besuar ne seline blu, Demi u propozua dhe si kryetar i Komisionit Parlamentar te Sigurise Kombetare ne Kuvend, post te cilin e mban dhe aktualisht. Pervec karrieres politike, Demi njihet dhe si ligjerues ne Universitetin e Tiranes si dhe ne Shkollen e Studimeve Evropiane. Nevoja per zgjedhjen e nje nenkryetari te Kuvendit ne radhet e PD-se, erdhi pas ndryshimeve te fundit ne qeverine e djathte. Ish kryetari demokrat i Kuvendit, Fatos Beja, u emerua nje muaj me pare si Minister i Arsimit dhe Shkencave. Ne celjen e sesionit te ri parlamentar, do te vihen re dhe ndryshimet qe u bene ne komisionet parlamentare ne ditet e fundit te muajit korrik. Pas largimit te Bejes me nje post ministror, ne kete mandat te mbetur te Kuvendit, Komisioni Parlamentar i Ligjeve do te drejtohet nga Ilir Rusmali. Nderkohe qe nje vend ne komisione i eshte lene dhe Fatmir Mediut pas doreheqjes se tij nga posti i Ministrit te Mbrojtjes. Rozeta Rapushi

4 Here Ka ndryshuar ne tre vjet perberja e qeverise. Ndryshimet e fundit, u bene ne muajin korrik te ketij viti dhe i kushtuan postin, ish ministrit te shendetesise, Ndoka si dhe disa levizje te tjera brenda kabinetit. Ne ndryshimin e fundit, iku dhe Beja nga Kuvendi.

Ndryshimet

Posti i nenkryetarit te Kuvendit per PD mbeti vakant, pas emerimit te Fatos Bejes si Minister i Arsimit. Me largimin e tij, ne seline blu kane nisur diskutimet per zevendesimin, ne menyre te vecante tani qe nis dhe sesioni i ri parlamentar e demokratet duhet te kene zevendesin e tyre ne Kuvend. Pritet te caktohet zevendesi i Demit.

Vendimi

Propozimi per nenkryetarin e ri te Kuvendit do te behet ne mbledhjen e kryesise se Partise Demokratike. Ne kete mbledhje, diskutohen propozimet e merret vendimi perfundimtar per zevendesin e Bejes, per t'ju percjelle me pas Kuvendit. Mbledhja e kryesise se PD-se do te zhvillohet ne ditet e para te shtatorit per plotesimin e vendit vakant.