Letrat me vlere, qeveria preferon bonot e thesarit Eglantina Nasi
Bonot e thesarit, vazhdojne te jene te preferuarat e qeverise, nder veprimet qe ajo kryen ne teresi ne tregun sekondar te letrave me vlere. Nje dukuri e tille, shfaqet edhe ne raportin me te fundit te publikuar nga Autoriteti i Mbikeqyrjes Financiare, per ecurine e ketij tregu gjate muajve janar-shtator 2012. Sipas tij, lidhur me volumin qe zene instrumentet afatshkurtra, te cilat njihen nga publiku me termin 'bono thesari', gjate kesaj periudhe ne tregun e lartpermendur, ai ka qene perkatesisht ne masen prej 60.56%. Duke treguar qarte se ai dominon ne tregun sekondar te letrave me vlere te qeverise, si nje mjet i zgjedhur nga te dyja palet per te operuar ne huamarrjen publike. Nga ana tjeter, vihet re se pjesa e mbetur e ketij tregu, perkatesisht prej 39.44%, i perket volumit qe zene ne treg, instrumentet afatgjata, ose sic njihen ndryshe 'obligacionet'. "Kurse persa i takon numrit te transaksioneve, 97.33% e te gjitha atyre qe jane kryer ne tregun sekondar te letrave me vlere te qeverise, u takojne transaksioneve te kryera me bono thesari", cilesojne me tej, ekspertet e AMF-se lidhur me nje fakt te tille. Per te vijuar edhe me permendjen e dukurise tjeter, se pjesemarrja ne tregun sekondar te letrave me vlere te qeverise dominohet nga investitoret individuale, te cilet kryejne rreth 98.63% te te gjitha transaksioneve ne kete treg, ne raport me personat juridike. Cka do te thote ne terma praktike, se pjesen me te madhe te volumit te huamarrjes publike te qeverise, e realizojne kreditoret individuale, pra qytetaret e thjeshte qe i besojne asaj parate e tyre, kundrejt normave te larta te interesit. Sikunder, raporti i lartpermendur i AMF-se, pohon edhe faktin se te dhenat statistikore te tregut me pakice te letrave me vlere te qeverise per periudhen janar- shtator 2012, flasin per nje dominim te transaksioneve "Blerje ne tregun primar". Perkatesisht me nivelin prej 43.97%, kjo rikonfirmon serish dukurine se pjesemarresit ne kete treg, jane kryesisht te interesuar per te blere letrat me vlere qe ofron qeveria ndaj publikut. Kujtojme ketu, se qeveria ka qene mjaft aktive gjate ketij viti, me ankandet publike te shpallura per shitjen e letrave me vlere, ndaj te cilave, qytetaret kane treguar shume interes.