Lezhë, dy viktima nga aksidente të ndryshme

Aksidenti i parë ndodhi në rrugën dytësore Blonisht-Fishtë, nga i cili mbeti i vdekur një 35-vjeçar. Viktima Gjon Mëhilli, nga fshati Fishtë, ishte duke udhëtuar me ciklomotor në drejtim të superstradës Lezhë-Shkodër, dhe si rezultat i shpejtësisë së madhe dhe inerteve në rrugë, mjeti humb drejtimin.

Rreth 30 minuta pas këtij aksidenti, në lagjen “Gurra” të Lezhës është plagosur rëndë një fëmijë 6-vjeçar. Policia bën të ditur se fëmija po kalonte nga njëra anë e rrugës për në tjetrën, kur është përplasur nga një makinë tip “Renault” me targa të huaja. Viktima është dërguar menjëherë në Spitalin Ushtarak të Tiranës në gjendje të rëndë shëndetësore.