Liberalet e rinj braktisin Spartak Ngjelen

Ish-deputeti i Partise Demokratike, Spartak Ngjela, duket se nuk do ta kete te lehte te gjej mbeshtetes per idete e tij liberale, mbi te cilat do ndertohet partia e tij e re. Keshtu, te ashtuquajturit " liberalet e rinj", qe besojne dhe ndajne vlerat liberale te demokracise, nuk do t'i bashkohen partise se re, qe pritet te themeloje Spartak Ngjela. Ne nje prononcim per gazeten "Koha Jone", pedagogu dhe analisti, Henri Cili, tha se ai, ndonese eshte simpatizant i ideve liberale te demokracise, nuk do te behet pjese e partise te re te Ngjeles.
"Nuk do te jem pjese e partise qe do te drejtohet nga Spartak Ngjela, sepse nuk deshiroj te angazhohem ne asnje parti politike", thekson Henri Cili, duke theksuar se ai dhe mbeshtetes te tjere te liberalizmit ne vend jane perqendruar ne boten akademike. Prej kohesh, ish-kryetari i Komisionit te Ligjeve, Spartak Ngjela, ka deklaruar se do te themeloje partine e tij qe do te quhet Partia per Drejtesi dhe Ligj. Sipas tij, kjo parti do te kete nje program liberal demokrat ose neokonservator, qe vendos ne rend te pare lirine e sipermarrjes se lire te individit. Ngjela eshte shfaqur entuziast ne lidhje me kete nisme, madje ai ka pohuar se partia e tij nuk e ka frike pragun e larte elektoral qe do te vendoset per hyrjen ne parlament. Sipas tij, nje prag elektoral prej 5% do te ishte i drejte ne kushtet e nje demokracie te konsoliduar. Ende ish-deputeti i PD-se nuk ka dhene asnje informacion per njerezit e tjere qe do te jene pjese e partise qe do te drejtoj ai.
F.Mejdini