Lidhjet me Gadafin jep doreheqjen drejtori i LSE
Drejtori i universitetit të njohur britanik London Schools of Economics ka dhënë dorëheqjen pas polemikave për lidhjet e ngushta të këtij institucioni me familjen e diktatorit libian Muamar Gadafi. Në letrën e dorëheqjes, Sir Houard Dejvis pranon se reputacioni i universitetit është goditur si pasojë e lidhjeve me Gadafin. Ai theksoi se ka qenë gabim për shkollën që ka pranuar një donacion në vlerë prej 1.5 milionë paund nga familja e Gadafit.
Përballë kritikave në media dhe protestave të studentëve universiteti vendosi të përdorte shumën për një fond bursash studimi për studentët e Afrikës së veriut. Këshilli i universitetit tani do të ndërmarrë një hetim të pavarur përsa u përket lidhjeve me familjen e kolonelit të Libisë. I biri i Gadafit Saif al Islam para 3 vitesh ka përfunduar doktoraturën në London Schools of Economics.
Delina Bitraku
Përballë kritikave në media dhe protestave të studentëve universiteti vendosi të përdorte shumën për një fond bursash studimi për studentët e Afrikës së veriut. Këshilli i universitetit tani do të ndërmarrë një hetim të pavarur përsa u përket lidhjeve me familjen e kolonelit të Libisë. I biri i Gadafit Saif al Islam para 3 vitesh ka përfunduar doktoraturën në London Schools of Economics.
Delina Bitraku